Црна хроника
Судија од Охрид зел мито од 5.000 денари
Судија од Основен суд Охрид побарал и зел 5.000 денари мито од вработен во Трговско друштво за сообраќај, трговија и услуги увоз – извоз од Охрид.
Педесет и шестгодишниот Р.С. од Охрид бил судија во судски граѓански предмет и го примил митото на 25-ти јануари за да донесе пресуда во корист на туженото Трговско друштво. Против него е поднесена кривична пријава за примање поткуп.Во декември минатата година во Охрид, судијата се сретнал со претставник на туженото Трговско друштво и од него побарал поткуп во паричен износ од 15.000 денари, доколку сака истиот како судија овој предмет да го реши во корист на неговата фирма. Вработениот во фирмата му кажал дека сумата била превисока и не можел да му ја даде како поткуп. Во текот на јануари годинава, судијата повторно го побарал претставникот на фирмата и го повикал во неговата канцеларија. Го известил дека претходната барана сума како поткуп од 15.000,00 денари сега ја намалил на износ од 5.000,00 денари.Бараните пари судијата ги примил на 25-ти овој месец напладне во просториите на Трговско друштво за сообраќај, трговија и услуги увоз – извоз Охрид. Истиот ден, по наредба од судијата на претходна постапка при Основниот суд Охрид во простории на фирмата, а во присуство на адвокат бил извршен претрес на пријавениот при што во негов лев преден џеб од пантолони беа пронајдени пет банкноти од по илјада денари со обележани сериски броеви и криминалистичко-технички претходно обработени кои ги примил како поткуп. За претресот извршен е записник а парите и неговиот мобилен телефон со потврда се одземени./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Казни за 140 возачи, возеле над дозволеното
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 140 возачи.
Од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.
Сообраќајните контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.
Топ
Обид за убиство во прилепскиот затвор: со нож избоден осуденик
Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид.
Од МВР информираа дека инцидентот се случил на 7 април во прилепскиот затвор, каде двајцата издржувале затворски казни.
Тие физички го нападнале осуденикот С.Ч., при што првопријавениот со нож му нанел убодна рана.