Црна хроника
Сведок во „Дива населба“ со спротивни искази пред Обвинителството и пред Судот
Сведок во случајот „Дива населба“, односно за вооружениот судир меѓу полицијата и вооружената група што се случи во мај во Куманово, дал дијаметрално спротивни искази пред јавниот обвинител во предистражната постапка и во петокот на главната расправа пред Судот, тврди обвинителката, Вилма Рускоска која е обвинител во овој случај.
Обвинителката побара вкрстено испитување на сведокот поради неговите спротивни искази, но адвокатите приговараа бидејќи го немале добиено записникот од исказот на сведокот што го дал пред обвинителот. Судијката донесе решение на одбраната да ѝ се достави записникот од исказот на сведокот, а потоа да се продолжи со испрашување на сведокот. Судењето за овој случај неколку месеци беше затворено за јавноста, бидејќи беа испрашувани заштитени сведоци. Денеска во судот исказ даваше сведокот Љутвиу кој живее на улицата „Перо Илиевски“ во кумановската „Дива населба“. Тој е во роднинска врска со обвинетите Ирфан Љутвиу и Фадил Фејзулаху. На 8-ми мај минатата година не забележал ништо невообичаено во населбата и не видел непознати луѓе. На 9-ти мај се разбудил од првите пукотници, се облекол и веднаш отишол во куќата на Ирфан Љутвиу која се наоѓа до неговата. Таму го видел таткото на Ирфан кој спиел и додека траеле пукотниците останал во куќата на Ирфан. Од горниот кат се симнале доле, бидејќи хеликоптерите летале многу ниско и ќерамидите од куќата се треселе, тврди сведокот. Потоа во куќата дошла полиција, им ставила лисици и почнале да ги испрашуваат и, како што рече, да ги малтретираат и да ги пцујат. Не му верувале на тоа што го кажувал и мислеле дека дошол од Косово. Сведочењето беше прекинато бидејќи одбраната не го добила записникот од неговиот претходен исказ. Судењето продолжи со изведување на материјални и вербални докази. Судењето за случајот „Дива населба“ почна од почеток.Овој случај се спои со случајот „Молња“, односно со осумтемина логистичари кои беа уапсени неколку месеци по судирот.Сите обвинети на судењето рекоа дека не се виновни и дека судирот бил „проeктиран“ за пари од високи функционери од Управата за безбедност и контраразузнавање./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.