Црна хроника
Тешко повредени двајца пешаци во Скопје
Двајца пешаци синоќа биле прегазени во две одделни сообраќајни несреќи во Скопје и со тешки телесни повреди биле пренесени во Ургентниот центар.
Едната сообраќајка се случила во четвртокот вечерта во 20 часот на улицата Пролет, кога возило марка „мерцедес“ управувано од 40- годишен скопјанец удрил во пешак роден 1953 од Скопје. Пешакот со тешки телесни повреди бил пренесен во Угентниот центар.
Другата сообраќајка се случила во 23.10 часот на раскрсницата на улиците Костурски херои и Партизански одреди, кога „ауди“ со скопски регистерскита таблици управувано од 22-годишн скопјанец удрил во пешак роден 1958 година од Струмица. И тој бил пренесен во Ургентниот центар со тешки телесни повреди.
Извршен е увид и се утврдуваат причините за сообраќајките. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.