Црна хроника
Тројца мртви во напад со Молотов коктел во Лос Анџелес
Непознат напаѓач фрлил Молотов коктел во деловни простории во Лос Анџелес и притоа загинале три лица, објави весникот The Los Angeles Times, кој се повикува во извори во полицијата.
Една од жртвите уште била жива кога на местото на нападот пристигнале пожарникарите, но бидејќи мажот се наоѓал зад врата којашто била заклучена спасувачите не успеале да дојдат до него и да му ја укажат неопходната помош, поради што тој починал од здобиените повреди, изјавила портпаролката на канцеларијата на шерифот на округот Лос Аџелес, Грејс Медрано.
Канцеларијата на шерифот на Лос Анџелес не објавила за каков објект станува збор, но според сознанијата на весникот се работи за продавници за автомобилски бандажи и гуми.
Сведоците кои повикале брза помош, изјавиле дека го виделе осомничениот како фрла Молотов коктел во објектот, а потоа побегнал од местото со бел пикап „шевролет силверадо“.
Полицијата отворила истрага, но засега нема осомничени или приведени за нападот. Се утврдува и дали нападот е изведен со коктел молотов или со запалива бомба./крај/мф/сн
Извор: Associated Press
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.