Црна хроника
Уапсен 26-годишен скопјанец за уцена, при апсењето повредил полицајка
На 14.05.2026 на подрачјето Центар во Скопје, полициски службеници од Единицата за насилен криминал – Одделение за насилен криминал при СВР Скопје го лишија од слобода Е.И.(26) од Скопје поради основано сомнение за сторено кривично дело „уцена“.
Имено, на 13.05.2026 во полициска станица, 61-годишен скопјанец пријавил дека во периодот од 09.05. до 13.05.2026 на мобилна апликација на негов број добивал пораки од едно лице кое го уценувало и барало од него да му исплати 8.000 евра, во спротивно за него ќе објавел компромитирачки фотографии, видео материјали и разговори. Како што е пријавено, тој со лицето договорил да му даде 4.000 евра и го договорил местото и времето на примопредавање на парите, по што пријавил во полициска станица и му биле дадени крим-технички обработени пари.
Откако лицето ги земало парите со ковертот било забележано од полициски службеници и било лишено од слобода, по што било утврдено дека станува збор за Е.И. од Скопје.
При лишувањето тој турнал полициска службеничка, која се здобила со повреди и се обидел да побегне, но бил фатен и приведен. По целосно документирање на случајот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец со тешки телесни повреди донесен во болница, на Партизанска во него удрил велосипедист и избегал
Градската општа болница „8 Септември“, ноќеска пријавила во полиција дека кај нив бил донесен (Е.А.) од Скопје со тешки телесни повреди кои му биле нанесени откога во него удрил велосипедист на булеварот Партизански одреди во Скопје. Велосипедистот по ударот избегал.
Полицијата презема мерки за расчистување на настанот.
Црна хроника
Апсења во Неготино поради точење алкохол на деца
Викендов полицијата од Неготино заедно со инспектори од Државниот пазарен инспекторат, Државниот инспекторат за труд, Управата за јавни приходи и Регионалниот центар за гранични работи „Југ“ извршија контроли во угостителски објекти во Неготино. Во еден од објектите најдоа малолетници послужени со алкохол.
Со малолетниците се извршени службени разговори во присуство на претставник од Центар за социјални работи Неготино, по што се предадени на родители или блиски роднини.
„Полициски службеници од ОВР Неготино ги лишиле од слобода А.С.(25) и еден малолетник од Неготино, поради основи на сомнение за сторено кривично дело по член 204 од Кривичниот законик ’точење алкохолни пијалаци на дете’“, соопшти МВР.
За апсењата и точењето алкохол на малолетници е известен јавен обвинител и МВР најави соодветни поднесоци по целосно документирање на настанот.
Фото:Депозитфотос
Црна хроника
Уапсени двајца скопјани во Драчево, едниот нападнал полицаец и му се заканувал, а другиот спречувал полицаец да работи
Ноќеска во Драчево полицијата ги уапси М.М.(34) и Н.А.(35), двајцата од Скопје поради тоа што М.М. нападнал полициски службеник и упатувал закани, а Н.А. спречувал полициски службеник додека извршувал службени дејствија. По целосно документирање на случајот ќе следува соодветен поднесок.
