Црна хроника
Уапсена 29-годишна скопјанка откако била затекната со повредено новороденче пред дом во Карпош
Полицијата приведе 29-годишна жена од Скопје поради сомнение за кривично дело „запуштање и малтретирање на малолетно лице“, откако била затекната со повредено новороденче пред дом во Карпош.
Како што соопшти МВР, на 3 мај во 18:00 часот во Полициската станица Карпош, полициски службеници од СВР Скопје ја лишиле од слобода С.Д.(29) од Скопје.
Претходно, 56-годишна скопјанка пријавила дека пред својот дом ја затекнала пријавената заедно со новороденче кое имало повреди.
Детето и С.Д. биле пренесени во Комплексот клиники „Мајка Тереза“, каде што лекар констатирал повреди кај новороденчето.
По целосно документирање на случајот ќе следува соодветен поднесок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Малолетничка паднала од велосипед: со тешки повреди е пренесена во болница во Штип
Вчера околу 19:00 часот во ОВР Свети Николе е пријавено дека кај место викано „Рудина“ на некатегоризиран пат, 11-годишна малолетничка од Свети Николе, управувајќи велосипед, паднала, при што се здобила со тешки телесни повреди, констатирани во Клиничка болница Штип.
Полицијата соопшти дека е извршен увид.
Црна хроника
Возило излетало од патот: возачот е тешко повреден а четири лица меѓу нив и малолетници завршиле со полесни повреди
Во СВР Скопје, вчера околу 18:40 часот е пријавено дека на обиколница на град Скопје, клучка Мирковци, патничко возило „бмв“ со скопски регистарски ознаки, управувано од 42-годишниот Р.Н. од с.Кондово, скопско, излетало од коловозот.
Во несреќата со тешки телесни повреди се здобил возачот, додека со телесни повреди неговите сопатници С.Н.(40) и тројца малолетници, констатирани во Комплекс клиники „Мајка Тереза“ Скопје.
Извршен е увид од увидна екипа на СВР Скопје.
Црна хроника
32-годишник од Боговиње и се заканувал на вонбрачната партнерка
СВР Тетово поднесе кривична пријава против А.Д.(32) од село во општина Боговиње.
Тој се сомничи за сторено кривично дело „загрозување на сигурноста“.
На 01.04.2026, пријавениот и упатувал закани на неговата вонбрачна партнерка во нејзиниот дом.
