Црна хроника
Уапсени 400 шверцери на хероин во Европа најголем број регрутирани во Македонија
Во заедничка акција на австриската, германската, холандската и македонската полиција, којашто траела четири години, растурена е огромна мрежа на шверцери на хероин во Европа, со големи количини на дрога.
Уапсени се околу 400 лица, а запленети се 100 килограми на хероин и помали количини на кокаин и канабис. Исто така запленети се четири тони на супстанци за мешање на дрога што е показател дека мрежата била добро организирана.Според организацијата на криминалните групи којашто е опишана во соопштението на Европол, групата наликува на Франкфурт мафијата, чии членови неколку пати беа апсени во Виена и Франкфурт.Најголем дел од членовите на криминалната група биле од Македонија, кои високо квалитетниот хероин го носеле во Франкфурт и Виена и таму го продавале по многу ниски цени.Бандата била многу добро организирана, со строга хиерархија во која никој не знаел што другите работат, за што се одговорни и која е нивната вистинска улога во синџирот. Нивната организација се карактеризирала со строга поделба на трудот и добро организирана процедури.Полициите не можеле веднаш да ја прекинат криминалната дејност на групата бидејќи по неколку поединечни успешни акции, групата повторно се опоравувала.На заедничкиот истражен тим на полициите во овие држави главната задача им била трајно да ја уништат криминалната организација во Македонија и на нејзините ќелии во Виена и во Франкфурт. Тимот работел и на локација во Ротердам.Европската Унија е значаен пазар за опојни дроги вклучувајќи го и хероинот кој главно доаѓа од Иран и Авганистан. Хероинот се шверцува преку границата со Турција за да стигне во Европа преку Балканската рута. Голем дел од овој хероин транзитира преку Бугарија, Македонија, Србија, Босна и Херцеговина, Хрватска и преку Словенија до Италија и Австрија. Втор дел од рутата е или преку Македонија и Република Албанија во Италија, или преку Романија, Унгарија и Украина во Словачка/Чешка или Полска, а потоа кон Австрија или Германија.Во последниве години, организираниот криминал се карактеризира со зголемување на соработката преку националните, етничките и бизнис граници.Околу една третина од сите групи кои се занимаваат со организиран криминал во ЕУ, се вклучени во производството и дистрибуцијата на нелегалната дрога, а се проценува дека вредноста на дрогите на нарко пазарот изнесува 12 милијарди евра годишно.Во последниве неколку години приведени се над 500 членови на Франкфурт мафијата во операцијата „Диригент“. Најголемиот дел, околу 460 се приведени на територијата на Германија, Австрија и Холандија. Во Македонија од 2009 година наваму се приведени 70 лица. Запленети се преку 220 килограми хероин, 4 килограми кокаин и неколку килограми марихуана. Документирани се трансфери на пари тешки неколку милиони евра, а десетици илјади евра се запленети, како и голем движен и недвижен имот./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.