Црна хроника
Уапсени двајца вработени во МВР, дел од „Пуч“
Уапсени уште двајца осомничени дел од полициската акција „Пуч“ кои се товарат за шпионирање за странска служба и закани кон високи државни функционери за што биле финансиски богато наградени.
Според министерството за внатрешни работи, осомничените со употреба на незаконски средства на следење и шпиунирање, како и упатување на сериозни закани кон високи државни функционери сакале да извршат преврат и да изнудат разни услуги.
Едниот од нив е се уште вработен во Министерството за внатрешни работи додека другиот работел во Министерството, но во 2013 година му е раскинат договорот. Двајцата биле вработени во Министерството во раните деведесети години
„Од првично направените проверки, имотот на двајцата е несразмерно зголемен, односно анализите кои досега се направени покажуваат дека станува збор за стотици илјади евра во готовина, но и во акции кои завршиле кај нив“ соопштуваат од МВР.
При претресите направени во нивните домови и на други пет локации во Скопје биле пронајдени пет лап-топ компјутери, три куќишта од компјутери, еден персонален компјутер, 18 мобилни телефони (шест од истите се со СИМ картички), околу 1000 CD и DVD, 110 видео и аудио касети, 30 мини VHS касети, 19 негативи од филмски ленти, 18 филмови за фотоапарат, 14 флопи дискови, 17 хард дискови, 19 usb, електронска рамка со USB меморија, еден нотес, исто така одземени се девет штедни книшки од кои четири девизни книшки од Стопанска банка со штеден влог со вредност од околу 13.600 евра и пет од Еуростандард банка, од кои две девизни со штеден влог од 24.658 евра и три денарски книшки со штеден влог од 9.657.491,00 денари, односно во двете банки со вкупен штеден влог од околу 17.000 евра, потоа пронајдена евиденција за околу 600 акции на име на седум правни субјекти сопственост на едно од пријавените лица.
Осомничените ќе одговараат за „Шпионажа“ и „Насилство спрема претставници на највисоките државни органи“./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.