Црна хроника
Убиениот Елмази бил познат по името Артур Тафани
Роднините на убиениот албански државјанин Милјан Елези –Манди, кој беше најден мртов во близина на албанската граница по разбојништвото во Дебар, во локалната полиција во Елбасан го пријавиле како исчезнат, два дена по разбојништвото во Дебар.
Весникот Шекули кој е еден од најтиражните албански весници во своето денешно издание пишува дека Елези бил познат и со името Артур Тафани, подолг период живеел и во Грција, а бил посвоен како дете.
Според истиот извор, сега албанските власти, но и грчките работаат покрај македонските власти на откривањето на другите членовите на разбојничката банда. Весникот наведува дека Елези бил дел од бандата која со маски изврши разбојништво во Дебар кога беа ограбени две златарници на семејството Еребара, а во акцијата имаше и тешко ранети од огнено оружје.
Весникот Шекули наведува дека албанската полиција врши и соодветни анализи и за големиот грабеж кој бил извршен од страна на дедомразовци за нова година во големиот трговски објект ТЕГ кај Тирана, но и некои други организирани вооружени грабежи на бандата која носела униформи на албанската полиција или пак за време на кражбите во
Атина , кога биле носени други чудни униформи.
И за време на разбојништвото во Дебар оваа банда носела црни униформи на кои пишувало POLICIA .
Весникот додава дека и покрај тоа што пред да се објавни веста дека имало пријава на исчезнато лице од страна на семејството, сега по објавата на фотографијата на Елези, никој не е пријавен за да го земе телото на мртвиот кој според весникот стои во болницата во Дебар. /крај/мн/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.