Црна хроника
Украдени компјутери од партиските простории на СДСМ во Кисела Вода
Непознати лица во неделата вечерта упаднале во партиските простории на опозициската СДСМ во Кисела Вода и украле компјутери, соопштуваат од партијата.
Насилно биле обиени бравите на шест врати од просториите, украдени се три лаптоп компјутери, два деск компјутери и еден прожектор. Дополнително оштетени се уште два компјутери од коишто се извадени хард дискови и други делови.Инцидентот е пријавен во Министерството за внатрешни работи, а за него ќе бидат известени и меѓународните претставници во земјава и мисијата на ОБСЕ/ОДИХР.„СДСМ најостро го осудува овој инцидент и бараме МВР да преземе итни и ефективни мерки за откривање на сторителите за нивно соочување со правдата. Очигледно е дека враќањето на правдата, слободата и демократијата во Македонија ги прави нервозни криминалните структури во земјава. Едно треба да им биде јасно на сите: правда ќе има, секој што го прекршил законот ќе одговара“, се вели во соопштението на СДСМ./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.