Црна хроника
Украл автомобил, му пукнала гума и предизвикал сообраќајка
Тинејџер од Скопје украл автомобил, заминал за Охрид, на Стража му пукнала гума, зад него се случила сообраќајка, застанал да помогне и завршил во притвор.
Имено, СВР-Скопје поднесе кривична пријава против М.Д.(18) од Скопје поради постоење основано сомнение за извршено кривично дело „одземање моторно возило“ за што од страна на Судија на претходна постапка одредена му е мерка притвор во траење од осум дена.
Тинејџерот, на 27/28 ноември се упатил на ул.„Македонска преродба“ и откако се уверил дека нема да биде забележан од никого влегол преку незаклучената врата во дворот, се доближил до автомобил марка „Ауди А4“ караван со скопски регистарски ознаки и забележал дека на контакт бравата се оставени клучеви од возилото
Си влегол во возилото, го стартувал и го напуштил местото на настанот упатувајќи се кон Охрид.
На патот кон Охрид, на Стража движејќи се со одземеното возило му пукнала гума, а зад него се случила сообраќајна незгода. Тој застанал за да им укаже помош на лицата, а тие го обвиниле дека бил причинител за настанатата сообраќајна незгода, по што сите заедно заминале во полициската во Струга.
Откако пристигнале во полициската станица од полицајците провериле и утврдиле дека по возилото се трага бидејќи било предмет на извршено кривично дело „кражба“.
Со пријавениот М.Д. бил извршен разговор во кој во целост го објаснил начинот на извршување на кривичното дело./крај/со/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.
Црна хроника
Приведен крадец во Кочани, расчистени седум кривични дела
По преземени оперативни мерки и активности, полициски службеници од ОВР Кочани при СВР Штип расчистија седум кривични дела, од кои пет кривични дела „тешка кражба“ и две „тешка кражба“ на дрзок начин извршени на територијата на Кочани од угостителски и продажни објекти и една од физичко лице, извести МВР.
„Поради постоење основи на сомнение дека е сторител на делата, на 27.03.2024 од слобода бил лишен Е.Р.(37) од Кочани. Во службен разговор во полициска станица тој ги признал кривичните дела, а поголем дел од украдените предмети биле пронајдени и вратени на оштетените граѓани“, соопшти МВР.
По целосно документирање на случаите, против него ќе бидат поднесени соодветни пријави.
Црна хроника
Тетовец ја истепал сопругата
Полициски службеници на СВР Тетово, вчеравечер околу 21 часот и 35 минути во Тетово го лишиле од слобода 40-годишниот тетовец М.Е.
Тој претходно бил пријавен од неговата 43-годишна сопруга дека во семејниот дом физички ја нападнал.
Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок, соопштија надлежните.