Црна хроника
Украл автомобил на соселанец, па настрадал во сообраќајка
– фото илустрација
Жител на тетовското село Пршовце во саботата бил тешко повреден во сообраќајка што ја предизвикал со возило што претходно го украл од негов соселанец.
Жител на тетовското село Пршовце во саботата бил тешко повреден во сообраќајка што ја предизвикал со возило што претходно го украл од негов соселанец.
Џ.У.(36) најпрво ја искористил невнимателноста на А.И.(55) од истото село кој го оставил клучот во бравата од својот автомобил „опел вектра“, влегол внатре и веднаш го стартувал возилото по што се упатил кон Тетово. На околу стотина метри пред влезот во селото Слатино на регионалниот пат Јажинце – Тетово, Џ.У. загубил контрола на возилото, излетал во патот и удрил во две пракирани возила комбе „форд транзит“ и „голф“, сопственост на лица од Слатино.
Од излетувањето и ударот тој задобил скршеница на десниот колк, други скршеници и повреди на екстремитетите и веднаш бил пренесен во тетовската клиничка болница од каде поради тежината на повредите бил упатен на скопските клиники.
По овластување на јавен обвинител увид на местото од сообраќајката извршила екипа на СВР Тетово и според првичните информации причина за несреќата била неприлагодената брзина со која Џ.У. го управувал возилото додека вкупната материјална штета се проценува на околу 200 илјади денари.
Полицијата работи на целосно расчистување на случајот. Според неофицијални информации од жителите на Пршовце Џ.У. подолго време се соочувал со психички проблеми. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Свети Николе, пронајдена дрога
На 19.04.2024 во 12.00 часот во Свети Николе, полициски службеници од Полициската станица Свети Николе ги лишиле од слобода Д.С.(34) и Д.С.(34), двајцата од Свети Николе. При претрес во нивниот дом, извршен со судска наредба, била пронајдена и одземена марихуана.
Лицата биле задржани во полициска станица и по целосно документирање на случајот против нив ќе биде поднесена соодветна пријава.
Црна хроника
Приведен дилер во Охрид, пронајдена дрога
Денеска (20.04.2024) во 00.55 часот во Охрид, полициски службеници од Одделението за недозволена трговија со дрога и оружје при СВР Охрид го лишиле од слобода Б.Н.(33) од Охрид. Откако бил забележан од полициските службеници во неговото возило, тој фрлил кесичка со бела прашкаста материја која била пронајдена и одземена.
Подоцна, со судска наредба, бил извршен и претрес во неговиот дом, при што биле пронајдени и одземени бела прашкаста материја, дигитална вага со остатоци од бела прашкаста материја и други предмети со остатоци од бела прашкаста материја.
Лицето било задржано во полициска станица и по целосно документирање на случајот против него ќе биде поднесена соодветна пријава.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.