Црна хроника
Упасени двајца крадци, од два стана украле над 500.000 денари
Уапсени двајца скопјани кои од два стана во скопската населба Кисела Вода украле над 500.000 денари.
На едниот му е одреден притвор во траење од осум дена, додека на другиот мерка зајакнат надзор.Првата кражба ја извршиле во вечерните часови, дошле до станот се наоѓа на приземјето од зградата и откако се увериле дека нема да бидат забележани од никого, се прекачиле на балконот од кујната и со употреба на физичка сила и штрафцигер делувале помеѓу крилото и рамот на балконската ПВЦ врата од кујната, отвориле и влегле во станот.Втората кражба ја извршиле на тој начин што дошле до станот којшто исто така бил на приземјето од зградата, со употреба на физичка сила и штрафцигер и француски клуч делувале на цилиндерот, го скршиле а потоа делувале на бравата од влезната врата, ја отвориле и влегле во станот.Откако ќе влезеле во становите претурале и пребарувале во просториите и од двата стана украле еден пиштол марка “Црвена Застава М70“ калибар 7,65 мм, пари, разновиден златен накит, златни пари, плазма – ЛЦД телевизор, мобилни телефони, машки и женски рачни часовници, каса пластична полна со ситни пари, таблет и други предмети со што се стекнале со противправна имотна корист од околу 522.000 денари.Потоа оделе дома и украдените пари и предмети ги делеле помеѓу себе, а наредниот ден (пиштол, златен накит како и друг накит) ги продале на непознато лице, додека дел од украдениот накит пријавените го задржале за себе. Добиените пари од продажбата ги делеле и ги трошеле за свои лични потреби како и за купување на дроги и алкохолни пијалоци.При претрес во нивните домови најдени се дел од украдените предмети. Едниот од крадците е познат на полицијата и против него од 2006 до 2014 година има поднесено 11 кривични пријави, а против другиот крадец досега била поднесена една кривична пријава./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.