Црна хроника
Уште една жртва на железничка несреќа, децата се спасиле
Откако едно возрасно лице го загуби животот во е една од двете одделни железнички несреќи кои се случија во петокот крај Скопје и Битола, во саботата повторни на скопската периферија е регистрирана нова жртва на железничка незгода, во која за среќа без повреди минаа двајца малолетници.
Како што известуваат од МВР, во саботата околу 15,15 часот на дел од пругата меѓу железничка станица „Јане Сандански“ на влезен сигнал во железничка станица Драчево, поточно кај селото Драчево, дошло до железничка незгода во која патнички воз кој сообраќал на релација Велес-Скопје удрил во автомобил „фиат панда“ со скопски регистерски ознаки, а управувано од 64-годишниот Ласте Д. од Скопје.
Сопатници во патничкото возило биле две малолетни деца кои, за среќа, успеале да излезат од возилото.
Меѓутоа, во судирот со тешки телесни повреди се здобил возачот, кој бил пренесен во поликлиниката Драчево каде од страна на лекар била констатирана смрт.
Од страна на увидна екипа од СВР Скопје излезено е на местото на настанот, извршен е увид и се работи на целосно расчистување на случајот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Се трага по 86-годишно лице од Скопје
Вчера во 13.20 часот во Полициската станица Ѓорче Петров, С.Д.(60) од Скопје пријавил дека од домот се оддалечил неговиот татко Б.Д.(86) од Скопје.
Се преземаат мерки за пронаоѓање на лицето.
Црна хроника
Тепачка помеѓу колешки во средно училиште во Битола
На 18.04.2024 во СВР Битола, Х.Т. (28) од Битола пријавила дека во средно училиште во Битола била физички нападната од нејзината колешка.
Се преземаат мерки за расчистување на настанот.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.