Црна хроника
ВД директорот на болницата во Кичево вработувал по свое убедување
ВД директорот на Општа болница во Кичево заработил кривична пријава заради злоупотреба на службената положба.
На 14-ти мај оваа година, пријавениот Л.Р. во својство на ВД директор на јавната здравствена установа Општа болница во Кичево, при донесување одлука за избор на работници медицински сестри-техничари, со искористување на својата службена положба, свесно извршил злоупотреба и пречекорување на службените овластувања.
Пријавениот Л.Р. спротивно на Законот за здравствена заштита, избрал кандидатки кои не ги исполнувале посебните услови во претходно распишаниот оглас односно примил кандидатки кои го немале потребниот волонтерски стаж од најмалку една година во општата болница во Кичево. Избраните и примени кандидатки не биле влезени ниту во предложените 18 кандидатки од ранг листата составена од посебната комисија за селекција. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.