Црна хроника
ВИДЕО МВР: Парите од студентите ги земал сопственикот на бифето, ги предавал на асистентот, па на професорите
Министерството за внатрешни работи поднесе кривични пријави за примање на поткуп, примање на награда за противзаконито влијание и давање поткуп против осуммина осомничени во случајот „Еразмус“, односно полициската акција што ја спроведе полицијата во понеделникот попладне на Економскиот факултет во Скопје којашто траеше до рано утрово.
Петмина од осомничените, меѓу кои поранешниот декан и професор по менаџмент Бобек Шуклев, во вторник се изведени пред судија на претходна постапка.Од Основниот суд Скопје 1 потврдуваат дека приведените моментално тие се наоѓаат на распит, а на тројца од осомничените во вторникот им е врачена покана за разговор во Основното јавно обвинителство за организиран криминал и корупција.Тројца од осомничените со иницијали Т.Ф., С.Д. и Љ.И. не се повикани на информативен разговор бидејќи така одлучил надлежниот јавен обвинител.Попладнево Министерот за внатрешни работи, Митко Чавков одржа прес-конференција на којашто соопшти дека случајот бил отворен по пријава на студенти. Професорите барале и примале поткуп од 500 до 1.000 евра за да им пишат преодна оценка за положен испит на студенти без знаење, а имало случаи кога студенти добиле шестка иако немале право да го полагаат испитот или не им бил пријавен во таа испитна сесија. Осомничени се професори кои предавале по предметите, Основи на економија, Основи на сметководство, Математика за економисти, Статистика за бизнис и економија, Економика на претпријатита и Менаџмент на мали бизниси, еден асистент и сопственикот на бифето во Економскиот факултет.Групата имала разработен систем за земање пари, па според МВР, студентите парите му ги давале на сопственикот на бифето, тој му ги давал на асистентот, а асистентот на професорите.Групата била следена две години, во периодот од 2014 и 2015 година, а доказите се обезбедни со примена на Посебни истражни мерки. Во понеделникот полицијата извршила 13 претреси, седум во домовите на осомничените, четири во професорските кабинети, во бифето и на Студенстки прашања на Економскиот факултет. „При претресот на возилото на еден од осомничените пронајдени се парични средства во висина од 1.000 евра кои се предмет на кривичното дело. Кај друг професор пронајден е телефонски апарат ‘Ајфон 6’ а во неговиот кабинет се пронајдени четири индекси. Во домот на друг осомничен пронајден е исто така еден индекс. Од Студентски ппрашања одземени се 17 досиеја на студенти. При претресот е пронајден и нотес во кој имало матични броеви и друг податоци од стиуденти“, рече Чавков.Основното јавно обвинителство соопшти дека има сомненија дека дел од професорите барале и сексуални услуги од студенти за преодна оценка, но Чавков изјави дека тоа е чувствителна тема за која се надева дека во понатамошната постапка обвинителството ќе приложи соодветни докази за повеќе начини на кои пријавените ја злоупотребиле службената положба. Според Министерот, со полициската акција не била нарушена автономијата на Универзитетот бидејќи за одредени кривични дела за кои постои сомневање дека се вршат в рамки на Универзитетот полицијата може да врши претреси. За акцијата бил известен и ректоратот на УКИМ./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.