Црна хроника
Во акцијата „Арсенал“ уапсен и Нелко Менкиноски, го оштетиле МО за 2,7 милиони долари
Поранешниот началник на секторот за логистика при Министерството за одбрана, Нелко Менкиноски е уапсен во акцијата на министерството за внатрешни работи „Арсенал“ за финансиски малверзации со сервисирањето на шест хеликоптери на Министерството за одбрана.
Менкиноски кој е осуден во аферите „Армиско оружје“ и „Тенковски делови“, заедно со уште осум лица, бизнисмени од 2004 до 2009 година прикажувале нереално зголемена вредност на услуги за сервисирањето на хеликоптерите.
Основале фирми во земјава и во странство, во Кипар, Велика Британија и Бугарија, каде што ги префрлале украдените пари, па така надлежните институции немале увид во работењето на фирмите.
Го платиле сервисирањето на укрианската фирма, но освен оваа сума преку прикажување на фиктивни фактури , голем дел од парите коишто биле одвоени од министерството, ги префрлиле на сметките на фирмите што ги основале во Македонија и во странство.
Иако криминалот се случувал пред десет години, а осомничените досега не се гонети за ова кривично дело, од Министерството за внатрешни работи велат дека случајот го работеле подолг период наназад.
„МВР подолг период наназад работеше на документирање на ова дело и кога ги завршивме нашите активности и проверките кои требаше да бидат направени со Јавното обвинителство утрово беше реализирана акцијата“ изјави помошник министерот на МВР, Иво Котевски.
Менкиновски за аферата „Армиско оружје“ е осуден на три и пол години затвор .Апелациониот суд го врати предметот на повторно судење и се уште е отворен. За „тенковските дело“, случај во којшто беше осуден поранешниот министер за одбрана, Владо Бучковски, Менкиноски е осуден на условна казна./крај/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.