Црна хроника
Во две хаварии на „опел астри“ една петгодишна жртва
– Архивска фоторгафија
Во петокот на македонските патишта се регистрирани две тешки сообраќајни несреќи во кои животот го загуби петгодишно дете и тешко е повреден пешак, соопштија во саботата од Министерството за внатрешни работи.
Во петокот на македонските патишта се регистрирани две тешки сообраќајни несреќи во кои животот го загуби петгодишно дете и тешко е повреден пешак, соопштија во саботата од Министерството за внатрешни работи.
Во петокот околу 10,20 часот на регионалниот пат Струмица – Берово, кај селото Дабиле на месноста Висови, се случила сообраќајна незгода во која 38-годишен жител на струмичкото село Босилово управувајќи го возилото „опел астра“ со струмички регистарски ознаки, излетал од коловозот, при што сопатникот во возилото дете на возраст од пет години се здобило со тешки телесни повреди, на кои има подлегнало во Медицинскиот центар во Струмица.
Попладнето, по 16 часот, исто така, во петокот на магистралниот пат Македонска Каменица – Кочани, кај месноста Кантурски рид, се случила сообраќајна незгода во која 41-годишен возач од Македонска Каменица, управувајќи „опел астра“ со штипски регистарски ознаки удрил во пешакот 54-годишна жена која се движела покрај патот. По укажаната лекарска помош во Медицинскиот центар во Македонска Каменица, повредената жена пренесена во Ургентниот центар во Скопје. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривични за родителите кои им дозволиле на нивните малолетни деца да живеат вонбрачно
Надворешната канцеларија за криминалистички работи Берово поднесе две кривични пријави против Н.Ф.(38) и С.Ф.(34), двајцата од Пехчево и В.Т.(54) од Кочани поради постоење основи на сомнение за сторено кривично дело „вонбрачен живот со дете“.
Пријавените, во период од втората половина на 2023 до 22.02.2024 им овозможиле на нивните малолетни деца, кои се во љубовна врска, да живеат вонбрачно, објави МВР во гдневниот билтен.
Црна хроника
Teтетовец со украдено возило направил сообраќајка
Полицијата поднесе кривична пријава против Л.А.Т. (18) од Тетово поради „тешка кражба“ во обид, „одземање на моторно возило“ и „кражба“.
На 03.02.2024, пријавениот со погоден предмет се обидел да влезе во куќа во Тетово, но бил затекнат од сопственикот.
На 10.02.2024 во двор од куќа одзел патничко возило „цитроен“, а во текот на истиот ден од плац на лице од Тетово одзел мотоцикл „јамаха“, кој го оставил во с.Долно Седларце, тетовско, заедно со патничкото возило, откако направил сообраќајна незгода, објави МВР.
Црна хроника
Се степале вработени во болница во Карпош
Вчера во здравствена установа на подрачјето на Карпош во Скопје, по претходни недоразбирања, настанала физичка пресметка помеѓу Р.М.(43) и В.Р., од Скопје, двајцата вработени во установата.
По целосно документирање на случајот ќе следува соодветен поднесок, објави МВР во дневниот билтен.