Црна хроника
Во Гостивар украден накит вреден 25.000 евра, десет икони од црква во Волковија
Министерството за внатрешни работи во саботата информираше за нов случај на ограбување црква во атарот на селото Волковија, како из а тешка кражба која била извршена во куќа во Гостивар од која е украден златен накит проценет на 25.000 евра
Во петокот околу пладне на улицата „Илинденска“ во Гостивар непознат сторител извршил тешка кражба во куќа сопственост на 41-годишниот Е.Р., при што од сеф одзел златен накит во вредност од 25.000 евра.
Увид на местото на настанот извршила увидна екипа од гостиварската полиција, и се преземаат мерки за целосно расчистување на случајот.
МВР извести и дека во периодот од 15-ти декември до 1-ви јануари во месноста Чука, атар на селото Волковија, од страна на непознат сторител извршена е тешка кражба во црквата „Свети Ѓорѓија“, при што е одземено околу 3.000 денари и 10 мали икони од различни светци.
Засега непознатиот сторител преку покривот на црквата влегол во камбанеријата и преку незаклучената врата по скали влегол во црквата и од ѕидот ја откорнал касата, по што извршил пребарување и претурање по фиоките по што ги одзел наведените работи и го напуштил местото на настанот.
Извршен е увид од страна на увидна екипа од СВР Тетово и се работи на целосно расчистување на случајот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.