Црна хроника
Во притвор напаѓачот кој се обиде да ги убие момчињата во Аеродром
Во притвор напаѓачот кој се обиде да убие две момчиња минатиот викенд во скопската населба Аеродром. Станува збор за осумнаесетгодишен скопјанец кој бил пијан, а во полиција негирал дека ги нападнал момчињата. Судија на претходна постапка му одреди мерка притвор во траење од 30 денови.
Минатиот викенд ноќта, во саботата половина час по полноќ на булеварот „АСНОМ“ двете момчиња џогирале, кога го виделе напаѓачот во видно алкохолизирана состојба паднат на улица и повраќал. Момчињата застанале да му помогнат, но тој извадил нож и ги избодел. Едното момче беше во критична состојба, додека другото момче помина со полесни повреди.Момчињата не го познавале напаѓачот, а најпрвин во полиција било пријавено дека момчињата биле нападнати од неколку лица. Напаѓачот во 2013 година е кривично пријавен за “учество во толпа“ и му се поднесени четири прекршочни пријави за нарушување на јавниот ред и мир со физички напад.Полицијата расчистила уште еден обид за убиство што се случил минатата недела пред трговскиот центар „Капитол мол“ во истата населба.Четворица познати деликвенти се степале, а двајца од нив биле прободени со ножици.меѓу двајца од учесниците во тепачката имало долготрајна нетрпеливост, а еден од нив му се заканувал на противникот и на фејсбук. Дошле пред трговскиот центар за да се пресметаат, по што две лица завршиле со повреди. Еден од учесниците ќе одговара за обид за убиство, а друг за помагање./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.