Црна хроника
Во протестите на Бит пазар повредени дваесетина полицајци
Според првичните информации, досега на повреди се пожалиле дваесетина полициски службеници и неколкумина учесници во протестите и на сите им е укажана соодветна медицинска помош, а при полициската интервенција беа лишени од слобода и приведени шест лица кои се спроведени во полициски станици, информираше во петокот попладне Министерствто за внатрешни работи.
По завршување на првичната цел на полициската интервенција, односно воспоставувањето на јавниот ред и мир, Министерството за внатрешни работи врз основа на сопствените снимки, но и снимките од медиумите ќе продолжи да работи на идентификација и на останатите хулигани кои учествуваа во насилните инциденти и ќе ги преземе сите мерки против нив.Поголем број демонстранти, кои протестираа поради доживотните затворски казни за обвинетите во случајот „Монструм“ односно за убиствата на петте лица кај Смилковското езеро крај Скопје, како и за тероризам од радикални исламистички позиции, како што ги квалификуваше МВР – хулигани дел од екстремно агресивната и насилна толпа, со камења и тврди предмети попладнето ги нападнаа полициските службеници кои ги обезбедуваа ненајавените протести. Демонстрантие палеа предмети по булеварите во централното градско подрачје и ја оштетија фасадата на Основниот суд Скопје 1 – Скопје. Доцна попладнето насилните демонстранти веќе се потиснати и се преземаат дополнителни мерки за обезбедување на јавниот ред и мир.Протестите започнаа околу 13,20 часот на ул.„Цветан Димов“ пред џамијата „Јаја Паша“ по традиционалната пладневна молитва, каде се собраа, според процената на скопската полциија повеќе 200 граѓани кои носеа различни протестни транспаренти и знамиња. Масата започна да се движи во правец кон Бит пазар во 13,40 часот. До 14 часот бројката на луѓе кои протестираа се искачи, и според процените на медиумите таа се движеше до две илјади, и голем дел од нив за време на своето движење кон Основнито суд Скопје 1 Скопје, со камења и други предмети ги гаѓаа полициските службеници-ангажирани за обезбедување,а пред судот продолжија со извици „Алаху акбар“ и каменување на зградата.Во 14 часот полициските службеници-ангажирани за обезбедување, професионално и согласно стандардните оперативни процедури, започнаа со мерки за растурање на масата и спречување на движењето на насилната толпа кон Влада на РМ. Околу половина час подоцна, откако беа спречени во намерата, масата започна со движење назад кон Бит пазар. Околу 15,30 часот околу 300 лица кои протестираа се повлекоа на улицата „Цветан Димов“, а поголемиот дел се растурија, соопштија до МВР .Припадниците на интервентната полиција и натаму продолжуваат со обезбедување на претходно утврдените критични локации. Од МВР порачаа дека ќе ги следат и социјалните мрежи преку кои се одвиваше мобилизацијата за насилните протести и апелира граѓаните да не дозволат да бидат манипулирани и инволвирани во какви било нарушувања на јавниот ред и мир./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Две лица искасани од кучиња скитници во Скопје
Вчера, во 14.15 часот, во Полициската станица Карпош, Т. А. (78) од Скопје пријавила дека на улицата Петар Чаулев во Скопје била касната од куче скитник.
Истиот ден, во 21.15 часот, во Полициската станица Аеродром, Т. Т. (18) од Скопје пријавила дека на улицата Владимир Комаров во Скопје била касната од куче скитник.
Црна хроника
Кривична пријава против директорот на ЈП „Стрежево“ од Битола: набавил стар ратрак, а го платил како да е нов
Одделот за криминалистичка полиција, по добиената наредба од ОЈО Битола, презеде предистражни дејства и по обезбедената документација и извршен увид во неа, до ОЈО Битола, во координација со СВР Битола, поднесе кривична пријава против М. Г. од Битола, директор на ЈП „Стрежево“ од Битола за кривично дело злоупотреба на службената положба и овластувањето по чл. 353 од КЗ и злоупотреба на постапката за јавен повик, доделување договор за јавна набавка или јавно приватно партнерство од чл. 275-в од КЗ во врска со чл. 22 и против Љ. М. П. од Битола, управител на правно лице од Битола.
Имено, М. Г., знаејќи дека правното лице во текот на 2018 имало набавено тапкач на снег – ратрак, спровел постапка за јавна набавка на ратрак за потребите на ЈП „Стрежево“ од Битола со точно одредени технички карактеристики на потребниот ратрак како тој што го поседувало правното лице од Битола и да не е постар од 1995 година, на кој оглас како најповолен економски оператор понудувач било избрано предметното правно лице од Битола, а Љ. М. П. на конкретниот оглас доставила понуда со невистинити податоци дека ратракот што го нуди е произведен 1995 година, иако знаела и била свесна дека ратракот што го поседувала е произведен 1993 година, по што бил склучен договор со наведеното правно лице на износ од 1.875.967 денари, без ДДВ, иако ратракот бил купен од странство за 414.492 денара, односно тој бил набавен од ЈП „Стрежево“ од Битола за 4,5 пати повисока цена од набавната и за износот од 1.875.967 денари М. Г. го оштетил јавното претпријатие, а Љ. М. П. стекнала противправна имотна корист.
Црна хроника
Мопед излетал од патот, возачот тешко повреден
Вчера, во 13 часот, во Полициската станица Кочани било пријавено дека на улицата Стамен Манов во Кочани, В. Џ. (51) од Кочани, управувајќи мопед со кочански регистарски ознаки, излетал од коловозот.
Во несреќата тешки телесни повреди добил возачот, констатирани во Општата болница во Кочани.
Извршен бил увид од екипа на ОВР Кочани.