Црна хроника
Во Србија пронајдено телото на исчезнатото девојче од Суботица
Телото на неодамна грабнатото 15-годишно девојче Тијана Јуриќ од Суботица е пронајдено во средата доцна навечер во околината на Сомбор, шеесетина километри од местото на исчезнувањето, пренесоа во четвртокот рано утрото Танјуг и Радио Телевизија Србија.
Грабнувачот е лоциран и уапсен во рамките на опсежната полициска акција, и се наоѓа во притвор. Како што прецизира министерството за внатрешни работи на Србија, осомничениот го грабнал девојчето во месото Бајмок и, како што се претпоставува, непосредно по тоа ја убил.Неофицијално, во средата навечер околу 22 часот бил уапсен месар од местото Сурчин, кој ја одвел полицијата до местото на злосторството. Тој бил уапсен на територијата на Белград. На местото на настанот итно отпатува министерот за внатрешни работи Небојша Стефановиќ и директорот на српската полиција Милорад Вељовиќ.Тијана Јуриќ последен пат беше видена на 26-ти јули, малку по полноќ недалеку од Спортскиот центар „Рата“ во Бајмок, покрај Суботица, каде што била на забава со пријателите, за време на посетата на нејзините баба и дедо.На неасфалтираниот дел од патот се пронајдени предмети коишто, според изјавата на мајката, припаѓаат на исчезнатото девојче, а веднаш по исчезнувањето на Тијана во потрага, покрај српската, се вклучија и унгарската полиција, Европол, Интерпол и меѓународниот интернет ресурс посветен на исчезнатите деца во Европа./крај/мф/сн
Извор: Танјуг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Мотоциклист удри во пешак на „Партизанска“, двајцата повредени
Синоќа, на булеварот Партизански одреди во Скопје, мотоцикл „дукати“, со скопски регистарски ознаки, управуван од Е. П. (27) од Скопје, удрил во пешакот Н. Ѓ. (30) од с. Рашче, Скопско.
Во несреќата тешки телесни повреди добил пешакот, а мотоциклистот добил телесни повреди, констатирани во комплексот клиники „Мајка Тереза“ Скопје, објави МВР.
Извршен бил увид од екипа на СВР Скопје.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.