Црна хроника
Во три сообраќајќи, осум повредени од кои двајца критично
– (архивска фотографија)
Во три сообраќајни несреќи кои се случиле во саботата на територијата на земја, осум лица се потешко повредени од кои две се во животна опасност, информираат во неделата од Министерство за внатрешни работи.
Во три сообраќајни несреќи кои се случиле во саботата на територијата на земја, осум лица се потешко повредени од кои две се во животна опасност, информираат во неделата од Министерство за внатрешни работи.
Во саботата околу 13,15 часот во Скопје, на локалниот пат од населбата Хиподром кон населбата Илинден, кај ресторанот „Хиподром“, се случила сообраќајна незгода меѓу автомобил „киа пиканто“ со скопски регистарски ознаки управувано од 37-годишниот Б.Н., кој притоа се здобил со телесни повреди и неговиот шестгодишен сопатник која се здобила со тешки телесни повреди, односно тешка фрактура на ногата, и возило „хундаи гетц“, исто така, со скопски регистарски ознаки, управувано од 31-годишната М.З.К. која се здобила со телесни повреди, додека, пак. совозачот 31-годишниот Г.З. се здобил со тешки телесни повреди и е во животна опасност.
Речиси истовремено, околу 13.30 часот во саботата, на крстосница од магистралниот пат А3 Битола-Прилеп и локалниот пат за селото Карамани, се случила сообраќајна незгода меѓу трактор „ИМТ 539“ без регистарски ознаки управувано од 47-годишниот З.Ѓ(47) од Битола и автомобил „опел вектра“ со битолски регистарски ознаки, управувано од 41-годишниот М.Ј.(41) од Демир Хисар. Во незгодата со тешки телесни повреди се здобила сопатничката од автомобилот 73-годишната А.В(73) од деморхисарското село Сопотница којашто е задржана на натамошно лекување во Клиничката болница во Битола, додека со телесна повреда се здобил возачот М.Ј. и е пуштен на домашно лекување.
Во саботата регистрирана е уште една сообраќајна несреќа со повеќе повредени. Малку по 19,15 часот на магистралниот пат Градско-Прилеп во близина на раскрсница за селото Камен Дол, се случила сообраќајна незгода автомобил БМВ“ со битолски регистарски ознаки управувано од 22-годишната И.В.(22) од Битола и трактор со кавадаречки регистарски ознаки, управуван од 61-годишниот Љ.Ѓ. од Камен Дол. Во незгодата со тешки телесни повреди се здобил возачот на тракторот кој поради сериозноста на повредите е пренесен од Општата болница во Кавадарци во Клиничкиот центар во Скопје и се наоѓа во животна опасност, додека со телесни повреди се здобил возачката на патничкиот автомобил кој по укажаната лекарска помош во Кавадарци е пуштена на домашно лекување./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.