Црна хроника
Загина 19-годишно момче на патот Охрид-Ресен
– фото ohridnews.com
Во тешка сообраќајна несреќа што во средата попладне се случила на магистралниот пат Охрид – Ресен кај селото Крушје, смртно страдало 19- годишно момче.
Во тешка сообраќајна несреќа што во средата попладне се случила на магистралниот пат Охрид – Ресен кај селото Крушје, смртно страдало 19- годишно момче.
Порталот „Ohridnews“, повикувајќи се на изјави на очевидци, пренесе дека несреќата се случила откако дошло до директен судар на две возила, „Југо“ со битолски регистарски таблички и „Пасат“ со ресенски таблички.
Глетката на местото на несреќата била страотна, а морале да интервенираат пожарникари за да ги извлечат луѓето од смачканите автомобили.
На местото на несреќата извршен е увид, а истрагата треба да ги утврди причините за трагедијата. крај/мф
Извор: ohridnews.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведени крадци во Битола
Вчера во Битола, полициски службеници од СВР Битола ги лишиле од слобода К.Б.(30) и Н.Б.(41), двајцата од Битола.
При претрес во домот на К.Б., извршен со судска наредба, биле пронајдени и одземени пари во различни апоени и повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Додека, при претрес во домот на Н.Б., извршен исто така со судска наредба, биле пронајдени повеќе предмети за кои постои сомнение дека потекнуваат од кривично дело „тешка кражба“ по член 236 од Кривичниот законик.
Црна хроника
Казни за 140 возачи, возеле над дозволеното
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 140 возачи.
Од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.
Сообраќајните контроли продолжуваат и во наредните денови, најави МВР и апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Црна хроника
Девојче нападнато од соученичка во основно училиште во Гази Баба
Ученичка била нападната пред два дена во основно училиште во Гази Баба.
Според пријавата, девојчето било нападнато од негова соученичка, а за случајот алармирал таткото на натепаното девојче.
Од МВР велат дека се преземаат мерки за расчистување на случајот.