Црна хроника
Загинат пешак, повредени тројца во сообраќајки низ Македонија
Еден пешак загина, едно петгодишно дете е повредено, како и двајца други кои учествувале во одделни сообраќајни незгоди низ Македонија.
Имено, во четвртокот, околу 16.10 часот на регионалниот пат Куманово-Свети Николе, се случила сообраќајна незгода во која Д.Т.(1985) од Куманово, управувајќи автомобил „Голф“ удрил во пешакот С.Т. (1941) од село Арбанашко–Општина Старо Нагоричане. По незгодата пешакот С.Т. е пренесена во болницата во Куманово, каде е констатирана смрт. Увид на лице место извршиле ОЈО и екипа од СВР-Куманово.Истиот ден, околу 16.30 часот во Куманово на ул.„11-ти Ноември“ пред влезот на „Тетовскиот Универзитет“, се случила сообраќајна незгода во која З.А.(1992) од село Слупчане-Општина Липково, управувајќи автомобил „БМВ“ удрил во дете на пет годишна возраст што возело велосипед од Куманово. Во незгодата детето се здобило со тешки телесни повреди па по укажаната лекарска помош во болницата во Куманово, е префрлено во Ургентниот центар во Скопје. Увид на лице место извршила екипа од СВР-Куманово.Во четвртокот во 22.15 часот во Битола на ул.„Никола Тесла“, се случила сообраќајна незгода во која М.К. (1962) од Битола управувајќи мопед „Томос“, изгубил контрола на мопедот и удрил во ѕид од куќа. Во незгодата М.К. се здобил со крварење во мозокот при што е задржан на лекување во Клиничката болница-Битола и е во животна опасност. Увид на лице место извршила екипа од СВР-Битола.Во четвртокот, во 19.20 часот на регионалниот пат Македонски Брод-Кичево, во близина на село Пласница, се случила сообраќајна незгода помеѓу автомобил „Опел Корса“, управувано од Н.А. (1996) од село Пласница, и трактор со приколка управуван од непознато лице, кое по незгодата го напуштило местото. Во незгодата Н.А. се здобил со фрактура на ребра и на десна потколеница, по што е пренесен во ЈЗУ-Кичево, од каде поради сериозноста на повредите е префрлен во Скопје. Увид на лице место извршила екипа од Полициската станица Македонски Брод./крај/мф/бб
Извор: Илустрација
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.