Црна хроника
Запленети девизи, облека, техничка стока, цигари и откриени мигранти
Минатата недела царинските службеници спречија повеќе обиди за криумчарење, при што привремено се задржани девизи, цигари, тутун и кафе, маслиново масло, препарати за слабеење, облека, рачни часовници, мобилни телефони и видео-камери и др. Покрај тоа откриен е и обид за царинска измама, но и обид за нелегален влез во државата на 12 сириски државјани.
При личен претрес на двајца македонски државјани кои со швајцарски автомобил се пријавиле за излез од државата на граничниот премин Ќафасан биле откриени 5.400 швајцарски франци и 2.500 евра.
При извршената контрола, во паричникот на возачот се пронајдени 2.800 евра и 3.800 швајцарски франци, а во паричник сместен во заден џеб од панталоните на сопатникот се пронајдени 5.200 швајцарски франци и 300 евра, за кои споствениците не поседувале доказ за потекло. На двајцата патници им биле вратени девизни средства во противвредност на 2.000 евра, износ што може слободно да се изнесе од државата.
При контрола на македонски автобус што сообраќал на релација Тирана-Скопје, пријавен за влез во државата на граничниот премин Ќафасан биле откриени 5 сигурносни камери “COLOR CCD CAMERA”, еден дигитален снимач DVR H264, 300 метри кабел и 64 приклучоци за кабли. Непријавените производи се пронајдени во патната торба на албански државјанин, патник во автобусот.
Во два одвоени случаи на скопскиот аеродром Александар Велики биле откриени 194 парчиња женска облека и чанти. Во првиот случај, при контрола на патните торби на македонски државјанин, кој пристигнал со лет од Виена пронајдени се 100 парчиња женска облека (фустани, здолништа и наметки), додека во вториот случај, при контрола на патните торби на косовски државјанин, кој допатувал со лет од Истанбул, се пронајдени 94 парчиња облека (тренерки, панталони, здолништа, фустани и маици) и чанти.
Царинските службеници од железничката станица Гевгелија пак, спречиле обид за нелегален влез во државата на илегални патници. При контрола на товарен воз со 25 празни вагони, пријавен за влез во државата, во еден од вагоните се откриени 12 илегални патници, сириски државјани. Мигрантите се предадени на полициските службеници од граничниот премин за понатамошна постапка./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.