Црна хроника
Запленети девизи, текстилни производи, технички производи и фалсификати
Минатата седмица и штотуку изминатиот викенд, царинските службеници открија повеќе обиди за криумчарење стока, при што привремено се задржани девизи, текстилни производи, бижутерија, технички производи за домаќинство, компакт дискови и фалсификати.
Покрај случајот откриен на граничниот премин Блаце на 21-ви ноември, кога во возилото на македонска државјанка беа пронајдени непријавени 190 илјади евра, изминатата седмица беа откриени и 26.500 американски долари, на граничниот премин Богородица при личен претрес на двајца македонски државјани, кои со автомобил со македонски регистарски таблички се пријавиле за излез од државата.
Кај возачот се пронајдени 21.500 американски долари, а кај сопатникот 10 илјади американски долари, за кои не поседувале документ за потекло. Согласно законските прописи, на патниците им се вратени по 2.500 долари (противвредност на 2.000 евра), износ што резиденти може слободно да го изнесат од државата.
Во три случаи на скопскиот аеродром „Александар Велики“, при контрола на тројца македонски државјани пријавени за излез од државата, се пронајдени 19.500 евра. Кај првиот патник пронајдени се 9.600 евра, кај вториот 9.500 евра и кај третиот патник 6.500 евра.
Во сите три случаи патниците не поседувале документи за потекло на парите, поради што согласно законските прописи, вратени им се по 2.000 евра, а остатокот (во првиот случај 7.600 евра, во вториот случај 7.500 евра и во третиот случај 4.500 евра) е привремено задржан.
На граничниот премин Ќафасан, пак, при личен претрес на албански државјанин, кој како патник во албански автомобил се пријавил за влез во државата биле пронајдени 12.200 евра. Возачот, исто така албански државјанин, и патникот изјавиле дека немаат ништо за царинска контрола, но при личен претрес, кај патникот е пронајдени коверт со 17.200 евра, а во џебот од палтото, пронајдени се уште 5 илјади евра. Согласно законските прописи, на патникот му се вратени 10 илјади евра, износ што може слободно да се внесе во државата.
Од страна на мобилните царински тимови, при контрола на македонски камион, извршена на патниот правец Кичево – Охрид, кај селото Мешеишта биле пронајдени 1.678 разни производи (плински решоа, ѕидни часовници, столни ламби, мерачи за должина, ташни за компакт дискови, бижутерија и др.), Возачот на возилото, македонски државјанин, не поседувал документи за потекло на стоката и платени увозни давачки.
На царинската испостава Гевгелија е откриен обид за избегнување плаќање на царински давачки со погрешно тарифирање на стока. Фирма од Скопје пријавила за увозно царинење моторни масла за патнички возила, со потекло од Грција, декларирани во тарифна ознака со пропишани стапка за царински давачки од 0 проценти, стапка за акциза од 7 проценти и стапка за ДДВ од 18 отсто. При физичкиот преглед на стоката, царинските службеници утврдиле дека дел од пријавената стока треба да се распореди во друга тарифна ознака со пропишани стапка за царински давачки од 0 отсто, стапка за акциза од 22 проценти и стапка за ДДВ од 18 отсто. Врз основа на новоутврдената состојба пресметани се дополнителни увозни давачки во износ од околу 4 илјади денари./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.