Запленети над 400.000 разни петарди коишто се продавале на Бит пазар, во центарот на Скопје и кај Железничката станица, соопшти МВР.

Во вторникот во акција на полицијата биле запленети 350.000 парчиња разновидни пиротехнички средства од две импровизирани тезги на Бит пазар. Битолчани продавале петарди кај Железничката станица во Скопје, а двајца Скопјани ги нуделе петардите во центарот на градот.Според статистичките податоци, во текот на изминатите 11 месеци на 2014 година по кривична постапка запленети се 221.908 парчиња петарди како и 4.558 ракети и 1.770 огномети, а по основ на прекршочна постапка – 10.841 или севкупно над 230.000 парчиња петарди. Кривично се пријавени 35 лица за 34 кривични дела од областа на недозволена трговија каде има заплена на петарди. Најмногу од бројката запленети пиротехнички средства се во Скопје -149.596 парчиња петарди, 914 ракети и 1671 огномети.Минатата година во ваквите полициски активности по кривична постапка беа запленети 111.404 парчиња петарди и 57 ракети, а по прекршочна постапка 17.998 парчиња петарди, а притоа кривично се пријавени 33 лица за 32 кривични дела од областа на недозволена трговија. /крај/мф/