Црна хроника
Жени нападнати и ограбени во нивните домови во Куманово и Кривогаштани
Засега непознати сторители во два одделни случаи во Куманово и во прилепско Кривогаштани ноќта кон саботата провалиле во домовите на своите жртви и ги ограбиле, соопшти Министерството за внатрешни работи.
Едниот инцидент се одиграл околу 3 часот во Куманово, на улицата „Веселин Маслеша“, кога непознат сторител влегол преку прозорецот од бањата на од куќата сопственост на 50-годишната Е.М. додека таа спиела и вршел пребарување, а потоа физички ја нападнал при што насилно од ушите и ги одзел обетките кои ги носела, а од плакарот одзел два златни прстена и уште еден чифт обетки, по што го напуштил местото на настанот.
Извршен е увид од страна на увидна екипа од СВР-Куманово. Се преземаат мерки за целосно расчистување на случајот.
Во петокот, околу 23 часот во полициската станица во Кривогаштани, 72-годишната Л.М. ) пријавила дека околу 19,50 часот две непознати маскирани лица, се качиле по скалите на катот во куќата, затропале на влезната врата, по што откако им отворила, ја турнале и влегле во салонот.
Потоа ѝ ги врзале рацете и нозете со селотејп трака, и со закана со пиштол одзеле паричник во кој имало 800 австралиски долари, 200 евра, 3.000 денари и трансакциски картички.
Извршен е увид од страна на прилепската полиција, а се преземаат мерки за целосно расчистување на случајот./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.