Црна хроника
Кривични пријави против петмина за фалсификување исправи и злоупотреба на службена положба
Надворешната канцеларија за криминалистички работи Кратово поднесе кривична пријава против С.Т.(47) и К.Н.(35), двајцата од Куманово, поради постоење основи на сомнение за сторено кривично дело фалсификување исправа, против Љ.Т.(57) од Скопје поради постоење основи на сомнение за сторено кривично дело злоупотреба на службена положба и овластување и против ДПГТУ „КООП Инженеринг“ – ДОО Куманово, поради постоење основи на сомнение за сторено кривично дело фалсификување исправа.
Според информациите од МВР, С.Т. и К.Н., вработени како машински, односно градежен инженер во „КООП Инженеринг“ Куманово, на 29.11.2018 изготвиле и своерачно потпишале Градежен дневник и Градежна книга со невистинита содржина дека наводно градежните работи според основниот проект ,,Реконструкција на локален пат во с.Близанци“ биле во целост завршени, иако воопшто не биле ни започнати. Инаку, за овој проект ,,КООП Инжинеринг“ Куманово, претходно било избрано како најповолен понудувач и градежните работи требало да ги заврши на 29.11.2018. Ваквите документи со невистинита содржина, Љ.Т. во својство на надзорен орган со лиценца, назначен од страна на инсвеститорот, Општина Кратово, со писмен налог за вршење стручен надзор над градби во општина Кратово за 2018 година, со свој потпис како вистинити ги доверил, по што изготвил и со свој потпис и печат заверил Завршен извештај и Извештај за извршен технички преглед од надзорен инжинер за објект ,,Реконструкција на локален пат во с.Близанци“ со невистинита содржина.
Врз основа на вака изготвените документи, Општина Кратово на правното лице на 28.12.2018 му исплатила 2.189.771 денари и на тој начин правното лице се стекнало со противправна имотна корист за наведената сума.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.