Црна хроника
Скопјанец со стап тепал малолетна потстанарка зошто скршила огледало и ја исекол со скршените парчиња
Скопското основно јавно обвинителство поведе постапка против 64-годишен скопјанец кој претепал малолетна постанарка поради скршено огледало.
Како што информираат од обвинителството, осомничениот 64-годишник грубо навредувал, малтретирал и извршил физичко насилство врз девојче на возраст од 14 години. Малолетничката заедно со нејзиното семејство биле потстанари во куќа во сопственост на осомничениот во населба Аеродром.
На 23 јануари девојчето скршило огледало во куќата, па сопственикот започнал најпрво да ја навредува, а потоа и да ја удира со тупаници и со стап по главата и телото. Во еден момент зел парче од скршеното огледало и започнал да ја сече од задната страна на вратот.
Девојчето се обидело да избега и да повика помош, но тој продолжил да ја тепа и во дворот на куќата. За време на настанот во куќата биле и сопругата на братот на малолетничката со нејзините две деца на возраст од три месеци и една и пол година, која не успеала да му помогне на девојчето.
Скопјанецот се товари дека сторил кривично дело насилство.
Имајќи го предвид видот и тежината на кривичното дело што му се става на товар, предвидената казна, како и фактот дека се работи за насилство врз 14-годишно дете, надлежниот јавен обвинител проценил дека постојат околности кои укажуваат на опасност од бегство на осомничениот.
Од тие причини, доставен е предлог за определување мерка притвор за осомничениот, кој и претходно бил осудуван и може да го повтори кривичното дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Тешка сообраќајна несреќа во Кичево – три млади лица го загубија животот, има и тешко повредени
Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски регистарски ознаки, управувано од С.И.(19) од Кичево и патничко возило „фолксваген голф“ со кичевски регистарски ознаки, управувано од К.Е.(32) од кичевското село Трапчин Дол.
Од здобиените повреди на местото на несреќата починале возачот К.Е. и неговиот сопатник А.С.(20) од село Трапчин Дол, додека возачот С.И. им подлегнал на повредите на пат кон Комплекот клиники „Мајка Тереза“ во Скопје, велат од СВР Охрид.
Со тешки телесни повреди, констатирани во болницата „Св.Еразмо“ во Охрид и во Комплекс клиники „Мајка Тереза“, се здобиле 19-годишната Т.С. од Кичево, В.П.(21) од селото Подвис, кичевско, П.К.(21) од Кичево и еден малолетник од Кичево, сите сопатници во возилото „пежо“.
На местото на несреќата увид извршиле јавен обвинител и полициски екипи. По наредба на јавен обвинител, телата на починатите се дадени на обдукција.
Црна хроника
Уапсени пет лица од Гостиварско, украле добиток и го продале
Полициски службеници на СВР Тетово-Полициско одделение Галате, вчера во 16 часот и 15 минути и 19 часот и 30 минути ги лишиле од слобода: 23-годишниот Е.Ф., 18-годишниот Ј.М., 27-годишниот Е.А., 18-годишниот А.Д. и 32-годишниот И.Ф., сите од гостиварски Добридол, извести СВР Тетово.
„Тие се сомничат дека во периодот од 23.03. до 28.03.2024 од штала сопственост на 38-годишниот С.М. од истото село, противправно одзеле добиток и потоа го продале на друго лице од тетовско“, соопшти СВР Тетово.
Задржани се во Полициската станица Гостивар и по целосно расчистување и документирање на случајот ќе им бидат изготвени соодветни поднесоци.
Црна хроника
Две лица од Тетовско измамени за 11 илјади евра: Албанец им ветил дека ќе им отвори фирма во Дубаи, ниту отворил ниту му ги вратил парите
Педесет и седумгодишен жител на тетовско село, вчера, во 14.40 часот, во СВР Тетово пријавил дека 58-годишниот М. М. од Република Албанија во текот на минатиот месец нему и на уште едно лице им ветил дека ќе им отвори фирма во Дубаи, а за возврат тие во три наврата му платиле вкупно 11 илјади евра, извести СВР Тетово.
„Но, ниту фирмата им била отворена ниту парите им ги вратил по што сфатиле дека се измамени“, соопшти СВР Тетово.
Се преземаат мерки за расчистување и документирање на случајот.