Битолчанец физички се пресметувал со полицијата оти го опоменале дека вози во спротивна насока

Додека двајца полициски службеници се движеле со службено возило на улицата “Цар Самоил“ во Битола во која сообраќајот се одвива во една насока, од спротивен правец наишол мотоцикл управуван од В.Ш. (53) од Битола. Припадниците на МВР од своето возило го предупредиле возачот дека се движи во недозволена насока, на што,мотоциклистот со висок тон им возвратил. На ова, полициските службеници излегле од возилото, се легитимирале и побарале да го отстрани мотоциклот од коловозот. Во еден момент, лицето кое управувало со мотоциклот започнало силна вербална расправија со полицијата велејќи им дека и тој е полицаец, а за брзо време започнал и да физички да се пресметува. Лицето е приведено и лишено од слобода. За ова бил известен Јавен обвинител. За прекршителот ќе биде поднесена кривична пријава.