Контакт

Daily news

(ВИДЕО) Борисов: Извинете што и ние го славиме Илинден

Објавено пред

„Подобро да славиме отколку да војуваме“, беше одговорот на бугарскиот премиер Бојко Борисов за тоа зошто Бугарија инсистира да го слави токму националниот ден на Македонија, Илинден, заедно со нас, иако не сме една држава. „Извинете што го славиме и ние“, рече Борисов објаснувајќи ги потоа мотивите за оваа одлука.

„Ако не славиме заедно, ајде да војуваме. Многупати сме војувале и, гледам, станавме голема Албанија, голема Македонија, голема Бугарија, голема Србија… Поради војните, дојдовме до тука, да бидеме најбедното место во Европа. Со таков став цело време се враќаме назад. Поентата сега е да се свртиме напред, да станеме како Германија, Франција, да станеме Европа“, порача Борисов на заедничката прес-конференција со премиерот Зоран Заев.

Тој се извини наместо домаќинот за големото обезбедување во врска со неговата посета и најави дека по средбите со спикерот на парламентот, Талат Џафери, и со шефот на државата, Ѓорге Иванов, ќе има средба и со лидерот на ВМРО-ДПМНЕ, Никола Груевски, за да го убеди да го поддржи договорот за пријателство и соработка што тој и Заев го потпишаа денес додавајќи дека очекува позитивна реакција и поздравување на ваквиот чекор и од страна на ЕУ.

„Договорот е резултат на минат труд кој не е само мој и на мојата влада. И поранешната влада има голем придонес. Ги повикувам да застанат зад него бидејќи овој договор нè прави двете страни еднакво среќни. Затоа ја повикувам опозицијата да даде поддршка за нешто за што направила голем труд. Успехот ќе биде заеднички“, изјави Заев на прес-конференцијата со Борисов.

„Ќе имам средба вечерва со Груевски и тој да даде поддршка за договорот. Со мене е и Красимир Каракачанов, кој е претседател на ВМРО во владата“, порача Борисов додавајќи дека со Груевски работел многу на договорот и дека биле пред негово потпишување наспроти она што го порачуваат деновиве од оваа партија.

Генерално, премиерот Заев рече дека овој договор претставува историски чекор за Македонија и Бугарија.

„Потпишувањето на договорот покажува дека таму каде што има политичка волја и идеја за прогрес, прашањето може да се реши. Направивме историски чекор напред и отворивме пат за стабилност и развој за двете држави. Овој договор е заемен успех и придонес кон политичка стабилизација за регионот и пошироко. Се определивме да водиме политики на решенија, а не проблеми.

Во Бугарија видовме конструктивен партнер со исти цели. Ова наше пријателство е пример како долгогодишна кочница може да се претвори во мотор за развој. Оваа соработка ќе помогне за унапредување на патната и гасната инфрастуктура на двете земји. Прашањето на добрососедските односи е прашање на зрелост и затоа овој договор е значајна порака до ЕУ и НАТО дека земјите имаат политички раководства кои градат мостови. Бугарија од денес е уште поголем пријател и сојузник кон евро-атлантските перспективи. Мојот народ има право да биде среќен“, изјави Заев.

Борисов додаде дека договорот има убаво име, добрососедство, кое е многу важно.

„Вашите министри работеа неколку месеци за да имаме договор со толку убаво име ‘добрососедство’. Исто така, двата меморандума се исклучително важни. Ќе ја видите и реакцијата на ЕУ на овој договор. Двете држави без модератори и посредници дојдоа до одлука дека мирот, дружбата и добрососедството се поважни од сè. Не случајно луѓето велат, гледајќи назад, ќе се сопнеш и ќе паднеш. Затоа одлучивме да гледаме напред. Резултатите ќе ги видите за некое време. Терминот заедничка историја е термин што дава заеднички перспективи, а не поделби“ изјави Борисов.

Двајцата оценија дека договорот е од заеднички интерес и за двете земји и дека ќе овозможи политичка стабилност, соживот и соработка помеѓу граѓаните, но и на економски план.

„Договорот можеше и да не се потпише, со години не беше потпишан, но се потпиша и е од исклучително значење“, нагласи Борисов. Тој истакна дека покрај договорот, битни се и двата меморандума за соработка, кои се однесуваат на железничкото поврзување меѓу двете земји, односно за Коридорот 8 и за соработка во областа на гасот, која ќе овозможи Македонија да купува гас од Европската Унија, а Бугарија да го транспортира.

За критиките со кои договорот е пречекан во Македонија, Борисов рече дека нив ги има и во двете земји, но тоа е демократијата. И тие самите биле критикувани дека можеле да бидат потврди во односите со Македонија како земја што сака да влезе во НАТО и ЕУ, но тоа, според него, не е пријателство.

„Критичари имало и ќе има секогаш. Многу од моите опоненти го кажуваат тоа. Но, дали тоа е пријателство? Добрососедство? Носи ли перспектива?“, запраша Борисов додавајќи „дај боже да се остварат двата потпишани меморандума денес бидејќи ќе има разлика“, мислејќи на меморандумите за гасно и инфраструктурно поврзување на двете земји.

На соседите тој им порача дека договорот не е насочен против никого, ни против Србија ни против Грција, и дека е за доброто на двете земји.

Утре Борисов и Заев ќе положат заеднички цвеќе на гробот на Гоце Делчев, што ќе биде моментот кој го означија како заедничко славење на историјата.

Daily news

СРАМОТА! – Вечер на раскажување квир-приказни

Објавено пред

И годинава во Скопје по 6 пат се одржува „Викендот на гордоста Скопје 2018“ – СРАМОТА! – Вечер на раскажување квир-приказни.  Настанот ќе започне во Кино Култура, петок, 01.06, од 21 часот.

„Неколкумина раскажувачи од јавната културна, политичка и општествена сфера раскажуваат кратки приказни за телесниот, родовиот и сексуалниот срам кој ја обележал нивната општествена ненормативност – оттаму, „квир“ како она што излегува од рамките на прифатливиот општествен код. Со овие јавно изговорени приказни, срамот се превртува и трансформира, исмејаниот станува исмејувачот – срамот се враќа назад кон оние кои занесени
во својата арогантност и привилегија, претпоставуваат дека го имаат правото да бидат родова, сексуална и морална полиција, и да понижуваат. Со овие приказни, од срамот за нашите желби, задоволства, однесувања, движења и размислувања градиме наративи на отпор. Нашиот срам станува нашето задоволство и среќа. Наместо сведнатата глава и преплавувачкото црвенило, пркосиме. Наместо неподносливото гушење навнатре во себе, експлодираме од смеа“, пишува во поканата.

Овогодишни раскажувачи ќе бидат: Артан Садику, Никола Гелевски, Ивана Драгшиќ, Кирил Поп Христов – Кили, Маја Марковска и Лејла Каламујиќ. Модераторки се Румена Бужаровска и Ана Василева.

Викендот на гордоста Скопје 2018 се одржува во организација на Коалицијата МАРГИНИ и ЛГБТИ Центарот за поддршка при Хелсиншкиот комитет на РМ. Целта на серијата настани во рамки на Викендот на гордоста е да креираат простор за, и да промовираат, ненормативни форми на светоградење, односно релации, афекти, идентитетски позиции, телесни стилови и сензибилитети кои во рамки на хетеронормативното, националистичко и неолиберално капиталистичко опкружување се означени како настрани, изопачени, неуспешни, патолошки, чудни итн.  Носечката идеја позади Викендот на гордоста 2018 е НАСТРАНО. ПОЛИТИЧКО. и ќе се оддржува од 7-10 јуни.

Скопскиот викенд на гордоста 2018 е реализиран со поддршка на Heinrich-Böll-Stiftung, Фондација Отворено општество – Македонија, Министерство за култура, Европската унија и Civica Mobilitas.

Прикажи повеќе...

Daily news

Димитров бара мудрост и нерви пред средбата со Коѕијас

Објавено пред

„Пуштајте ми ве молам мудрост и нерви“ напиша министерот за надворешни работи, Никола Димитров, на својот фејсбук-профил пред да отпатува за Њујорк, каде што треба да се сретне со неговиот грчки колега Никос Коѕијас. Преговорите продолжуваат со посредство на медијаторот Метју Нимиц, а средбите се најавени за в четврток и в петок.

Коѕијас, пак, кој од вчера е во Вашингтон, веќе се сретна со американскиот државен секретар Мајк Помпео и индиректно потврди дека Атина не размислува за последниот предлог – Република Илинденска Македонија.

„Ние ја поддржуваме потребата да прифатиме едно од имињата што ги предложи Нимиц. Не се согласуваме, како што знаете, со петтото име од неговите предлози (Република Македонија (Скопје)) и одиме напред кон усвојување на еден стратегиски план за пријателска соработка со оваа земја во иднина, со нејзиното ново име“, изјавил Коѕијас.

Од друга страна, пак, премиерот Заев вчера изјави дека предлогот Република Илинденска Македонија не отпаѓа и побара грчаата страна уште еднаш да размисли.

– Тие информираа дека не пости парламентарно мнозинство за оваа работа, но се надевам дека преспиваат и добро размислуваат. Илинденското востание нема територијални претензии. За нас е важно зашто ова име го јакне идентитетот, а Грција добива одредница и уставни промен. Ова е вин-вин ситуација. Очекувам длабински да се разгледаат работите, да му дадеме шанса на овој предлог кој верувам дека е решение за 25-годишниот спор, рече Заев.

Прикажи повеќе...

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Најново

Топ9 часа

Макрон скокна од радост за победата на Франција

Големата радост за победата на Франција на штотуку завршениот натпревар на светското фудбалско првенство во Русија, претседателот  на шампионите Емануел...

Спорт9 часа

Франција со 4:2 ја порази Хрватска и освои злато на мундијалот во Русија

Селекцијата на Франција со два гола разлика  ја совлада Хрватска во големото финале на Светското првенство во фудбал кое што...

Македонија14 часа

(Видео) Шекеринска: Денеска е ден кога можеме да кажеме дека успеавме заедно!

„Многу години имавме чувство дека ја пропуштаме секоја шанса и дека лоши работи се случуваат на државата“, рече синоќа Министерката...

Македонија15 часа

Тапани и зурли одекнаа на Галичник

Денеска во селото Галичник завршува 45. Галичка свадба. Младенци на годинашната манифестација се Тања Лепческа која има потекло од Галичник...

Европа16 часа

Меј: Трамп ми рече да ја тужам ЕУ

Американскиот претседател, Доналд Трамп ѝ рекол на британската премиерка, Тереза Меј дека треба да ја тужи ЕУ, а не да...

Македонија16 часа

Граѓаните излегоjа и прославија, утре извештај за потрошените пари, порача Владата

Во 15 градови, со 40 музичари, со автентичен домашен звук, граѓаните ширум Македонија го прославија историскиот успех на земјава, добивањето...

Македонија17 часа

Лозано го откажа настапот во Охрид: Никогаш не сум бил политички определен, музиката е таа што ме насочувала

Должност ми е да ви се обратам вам, на мојата публика, и да се изјаснам за она што се случуваше...

Свет18 часа

Што се очекува од средбата меѓу Трамп и Путин

По хаосот во НАТО и посетата на Велика Британија, американскиот претседател Доналд Трамп ја продолжува турнејата на самит со рускиот...

Македонија1 ден

(Видео) Заев: Македонија има причина да слави, ги остваруваме заедничките стратешки цели!

Премиерот Зоран Заев кој вечерва присуствуваше на прославата во Битола, што ја организира Владата по повод поканата од НАТО за...

Македонија1 ден

(Видео) Граѓаните оптимисти, треба да се прослави поканата на НАТО

Владата на Република Македонија вечерва организираше прослава за добиената покана за членство во НАТО во 15 градови низ земјата. Во...

Македонија1 ден

Со детски песни и распалени скари се слави во Прилеп

Со распалени скари и детски песни се слави поканата од НАТО во Прилеп. Манифестацијата во организација на Владата се одвиваше...

Македонија1 ден

Балони со натпис „Македонија во ЕУ и НАТО“ се делат на прославата во Градскиот парк

Балони со натпис “Македонија во ЕУ и НАТО” се делат на деца во градскиот парк, каде настап ќе имаат групата...

Спорт1 ден

Белгија го освои третото место на СП (Видео)

Фудбалската репрезентација на Бечгија, го оствари најголемиот успех во историјата, откако на Светското првенство во Русија, го освои третото место....

Европа1 ден

(Видео) Полициски мотоцикли се судрија за време на парадата во Париз

Франција го одбележа Денот на Бастиља со воена парада на Елисејските полиња во Париз, на чело со претседателот Емануел Макрон....

Спорт1 ден

Ѓоковиќ преку Надал до финалето на Вимблдон

Новак Ѓоковиќ се пласира во финалето на Вимблдон, откако во драматичното полу-финале што траеше два дена, го победи Рафаел Надал...

Европа1 ден

Трамп играше голф додека илјадници луѓе протестираа во Единбург

Илјадници луѓе излегоа на улиците на Единбург, трет ден по ред, да протестираат против посетата на американскиот претседател Доналд Трамп...

Топ2 дена

Тројца повредени во вооружена престрелка во Тетово

Дежурен јавен обвинител од Основното јавно обвинителство Тетово извршил увид на лице место на улицата „29-ти Ноември“ во Тетово каде...

Investigative story2 дена

Пратеници повторно со патни трошоци над 10 илјади евра за 6 месеци

За само шест месеци одредени пратеници повторно направиле патни трошоци од над 10 илјади евра, покажуваат податоците до кои дојде...

Европа2 дена

Откриен изворот на новичок во мало шишенце

Британската полиција го открила изворот на нервниот агенс новичок, од кој беа затруени двајца жители, од кои еден почина. По...

Свет2 дена

Трговски договор меѓу САД и Британија е апсолутно можен, порача Трамп

Трговски договор меѓу САД и Велика Британија е апсолутно можен, рече американскиот претседател, Доналд Трамп, само неколку часа откако во...

Досие