(ВИДЕО) Реал Мадрид пристигна во Скопје, доцни летот на Манчестер

Фудбалерите на Реал Мадрид пристигнаа во Скопје и веќе се упатија кон хотелот „Александар палас“ каде што ги чекаат стотици фанови. Летот на фудбалскиот тим Манчестер јунајтед доцни.

Пред хотелот „ТЦЦ Плаза“, каде што ќе бидат сместени играчите на Манчестер, веќе е собрана поголема група навивачи, кои ги очекуваат своите омилени играчи.

Пред „ТЦЦ Плаза“ има стотина навивачи, силно полициско обезбедување и не е овозможен пристап до хотелот. Забрането е движење на стотина метри од хотелот.

Преполно е и пред скопскиот хотел „Александар палас“. Навивачи од буквално сите возрасти го чекаат пристигнувањето на фудалските ѕвезди на Реал Мадрид, а најголем интерес кај фановите на „кралскиот клуб“ предизвикува доаѓањето на еден од најдобрите светски фудбалери, Кристијано Роналдо, чие пристигнување беше неизвесно до последен момент. Сепак, тимот изутринава соопшти дека и неговото име е меѓу составот на тренерот Зинадин Зидан.