Контакт

Daily news

Виси одржувањето на Суперкупот на УЕФА во Скопје

Објавено пред

За еден месец е предвидено да започне продажбата на влезниците за европскиот Суперкуп во фудбал кој е предвидено на осми август да се одржи на Градскиот стадион во Скопје.

Фановите на фудбалот ќе мора да издвојат од 15 до 40 евра ако сакаат во живо да го следат спектаклот кој во Скопје треба да ги донесе победниците од Лига на шампионите и од Лига на Европа, двете најзначајни клупски натпреварувања на стариот континент. Па така се вртат имињата на Манчестер Јунајтед, Реал Мадрид и други големи ѕверки.

За да може Македонија да го овозможи овој голем натпревар таа мора да ги исполни критериумите поставени од УЕФА, со цел да се овозможи непречен и безбеден натпревар затоа што овој вид натпреварување УЕФА го сместила во прва категорија. Но, дали властите ќе успеат да стигнат да ги исполнат сите обврски? На само три месеци од закажаниот термин за Суперкупот колку и да се исполнуваат условите сепак една парцела покрај стадионот задава главоболки кај сите инволвирани во организацијата и логистиката на натпреварот.

Таа парцела, од фотографијата, со големина од околу три илјади квадрати, лоцирана северо-источно од стадионот, УЕФА ја има замислено како место на кое ќе се постават репортажните возила за пренос на натпреварот.

Локацијата е во продолжение на познатиот блок Кинески ѕид, но со оглед дека од сите други страни е отворена и нема згради проценето е дека од таму сигналот до сателитите за пренос на натпреварот би бил најдобар. Таа парцела практично беше паркинг простор, а деновиве е оградена и внатре се презеле некакви градежни активности. Но зошто ова парче земја покрај стадионот го става под ризик одржувањето на европскиот Суперкуп?

Владата, со цел да ги исполни критериумите на УЕФА, на 26 јули донела одлука со која земјиштето го предава на трајно користење на Акционерското друштво за изградба и стопанисување со станбен и деловен простор (АДСДП). Во одлуката е наведено дека таквиот трансфер се прави врз основа на член 42, став 3, од Законот за градежно земјиште, иако такво нешто во законот не постои. Односно нема став 3 во членот 42. Сепак, свесни дека погрешно го применуваат материјалното право, сепак таквата одлука се објавува во Службен весник. Со тоа практично АДСДП го презема владеењето врз имотот и во декември поднесува барање во општина Центар за изградба на тениски игралишта и потпрен ѕид. Така ова претпријатие сака да ги исполни критериумите на УЕФА- да изгради тениски терени, кои дента на натпреварот ќе послужат за телевизиските екипи.

Освен што Владата ја промашила законската одредба, таа не испочитувала друг член на истиот закон, оној кој предвидува дека – Градежното земјиште сопственост на Република Македонија наменето за изградба на инфраструктурни градби утврдени со Законот за градење се дава под долготраен закуп, се заснова право на службеност или се дава право на трајно користење на истото, врз основа на проект за инфраструктура. Владата го доделила земјиштето на трајно користење без да бидат исполнети законските услови-постоење на проект за инфраструктура.

На 31 декември градоначалникот Андреј Жерновски потпишал одобрение за да почнат градежните работи. Одобрението се однесува на игралиште и на потпорен ѕид. Зошто е решено да се градат тениски игралишта кога се исполнуваат услови на УЕФА за фудбал е друго прашање. Но, само два месеца потоа, во февруари, градоначалникот Жерновски проценил дека практично тој не е надлежен за издавање на одобрението за градба, односно дека АДСДП е државен орган и дека надлежноста е во Министерството за транспорт и врски. Соочен со фактот дека погрешиле, во општина Центар носат ново решение со кое претходното со одобрението за градба го прогласуваат за ништовно.

Но, Жерновски не само што го поништил одобрението за градба, туку соочен со фактот дека Владата постапила незаконски кога имотот го давала на АДСДП покренал тужба против одлуката со која земјиштето се дава на трајно користење на претпријатието за станбен и деловен простор. Управниот суд, верувале или не, носи пресуда во која наведува дека не станува збор за управна работа без разлика што одлуката е акт на влада.

Сега предметот е во Вишиот управен суд и се чека пресуда. Со оглед дека фудбалскиот натпревар е за три месеци, ќе мора експресно и таму да се одлучи. И сега, кога не постои никакво решение, кога ниту една институција не издала документ за изведување градежни работи, на терен се преземаат повремени активности. Тоа го покажува и ова кратко видео од пред неколку денови.

Дополнително, општинскиот градежен инспкеторат излегува на терен и констатира дека без никаква дозвола се преземени активности за што го известува државниот градежен инспекторат кој се уште анализира и не постапува.

Целата оваа заврзлама го става во ризик одржувањето на европскиот Суперкуп. Свесен дека натпреварот е во опасност е и Зоран Мисовски, официјалниот преставник за суперкупот. Во изјава за Макфакс потврди дека ситуацијата е комплицирана, но не го напушта оптимизмот дека сето ова ќе биде надминато. –Ако не ги направиме тие тениски игралишта кои ќе послужат како ТВ платформа го ризикуваме натпреварот. Ние имавме одобрение за градба од општина Центар, која потоа самата го поништи и не препрати кај друг орган. Сега ние сме во комуникација со Министерството за транспорт и врски за да можеме да ги завршиме активностите на терен. Таа парцела ги исполнува условите на УЕФА за поставување на ТВ платформата од каде ќе се врши преносот на мечот и јас сега можам само да изразам надеж дека ќе го завршиме ова во брзо време,- изјави Мисовски.

Сепак, оптимизмот на организатпорите е едно, а фактичката ситуација е друго. Секако дека во интерес на значењето на фудбалскиот натпревар, но и за да не се избрукаме пред УЕФА, важно е да се надмине ситуацијата и Скопје да ги угости спортските великани. Но на тоа, Владата на ВМРО ДПМНЕ морала претходно да размислува.

Љубиша Арсиќ

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија32 минути

Два смртни случаи и 125 нови случаи на Ковид-19 во Македонија

Во последните 24 часа се потврдени два смртни случаи и 125 новозаболени од коронавирус во Македонија, соопшти Министерството за здравство. Направени...

Македонија2 часа

Филипче: Медиумите да престанат да изнесуваат непроверени информации за бројот на заболени од Ковид-19

Министерот за здравство, Венко Филипче, упати молба до медиумите да престанат да изнесуваат шпекулативни и непроверени информации околу бројот на заболени...

Македонија4 часа

НАкС: Со одлуката на Владата повеќе нема правна дилема за спроведување на изборите на УКИМ

Со одлуката на Владата  да се стават во мирување сите активности за избор на органи на управување повеќе нема правна...

Регион4 часа

Вучиќ: Нема среќно решение за Косово

Српскиот претседател, Александар Вучиќ, изјави денеска дека кога станува збор за Косово, нема среќно решение за Србија и дека, какво...

Свет5 часа

Минеаполис им забрани на полицајците да применуваат сила со задушување при апсење

Градското собрание на Минеаполис донесе одлука за забрана за задушување на лице за време на полициско апсење. Одлуката доаѓа по...

Свет6 часа

(Видео) Џастин Трудо клекна на колена во знак на поддршка на демонстрантите

Премиерот на Канада, Џастин Трудо, клекна на колена во знак на солидарност со демонстрантите на вчерашниот протест против расизмот што...

Свет7 часа

(Видео) Трамп: Ова е прекрасен ден за Флојд

Претседателот на САД, Доналд Трамп, за време на конференцијата за економското закрепнување на Америка, зборуваше и за протестите по убиството...

Спорт7 часа

Брендот Џордан ќе донира 100 милиони долари за борбата против расизмот

Брендот „Џордан“ во наредните 10 години, поради убиството на Џорџ Флојд и новонастанатата ситуација во САД, ќе донира 100.000.000 долари,...

Македонија18 часа

Влада: 30 милиони денари за здруженија и фондации за справување со корона кризата

Владата на денешната седница ја разгледа и усвои Програмата за финансирање на програмските активности на здруженијата и фондациите за мерки...

Свет21 час

СЗО: Секој треба да носи маска на јавен простор

Светската здравствена организација ги ажурираше своите насоки во борбата против Ковид-19 и сега препорачува дека секој треба да носи маска...

Македонија22 часа

Не се планираат рестрикции од понеделник и покрај бројките на новозаболени

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко...

Македонија23 часа

Заболени 11 здравствени работници од ГОБ „8 Септември“

Единаесет здравствени работници од ГОБ „8 Септември“ се заболени од коронавирусот. Дополнително, новозаболени има и од Гинеколошко-акушерската клиника, соопшти министерот...

Македонија23 часа

Филипче: 90 отсто од новозаболените се асимптоматски, кластерите се под контрола

Ситуацијата е под контрола, убедува министерот за здравство Венко Филипче откако денеска земјава го достигна пикот според новозаразени. Тој не...

Македонија1 ден

Регистрирани 180 случаи на коронавирус, 109 се од Скопје

Министерството за здравство информира дека во последните 24 часа се направени 1272 тестирања, а регистрирани се 180 нови случаи на...

Македонија1 ден

Петровска: Пронајдени се снимките од кафеаната каде што беше Мицкоски

Одземен е уредот за снимање од кафеаната каде што седел лидерот на ВМРО-ДПМНЕ, Христијан Мицкоски, кога инспектори беа спречени да...

Македонија1 ден

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија1 ден

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет1 ден

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ1 ден

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа1 ден

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Досие