Контакт

Daily news

Владиката Тимотеј контра Агатангел: Не е работа на МПЦ да го решава спорот за името

Објавено пред

По објавата на ставот на владиката Агатангел од страна на некои од медиумите, каде што тој ги коментира политичките случувања и ја обвинува власта дека има нечесни намери наведувајќи дека таа ќе заврши, како што вели, на ѓубриштето на историјата ако го промени името на Македонија, тој ниту демантира ниту потврдува дека изјавил такво нешто. Во статијата што е објавена владиката повикува на отрезнување и вразумување на оние што без срам преговарале за името на земјата.

dobivaj vesti na viber

„Сериозно ли ме прашувате ова? Ајде ви се молам, пријатно“, рече владиката во кус телефонски разговор.

Иако тој ги демантира написите, постои и видеоизјава, во која митрополитот г. Агатангел повикува Македонците да застанат на браникот на одбраната на татковината, на името, јазикот и на Црквата.

„Можете ли да замислите, Бугарите сега од нас бараат да ја менуваме историјата. Страшно. Ние сме си Македонци, тие се Бугари. Ние имаме наша историја и нашите деца треба да ја научат. Оние што мислат да ги дадат името и јазикот, нивните домови ќе останати опустошени. Јас се прашувам дали знаат што ќе стане со нивните деца? Тие ќе излезат на улица, а другите деца ќе му речат – татко ти ја продаде државата. Затоа, го молам народот да застане цврсто на браникот. Политичарите се менливи. И вие новинарите, чувајте ја и бранете ја“, вели владиката Агатангел во изјава.

Потпаролот на МПЦ-ОА, Тимотеј, за „Макфакс“ вели дека секој има право на свое мислење, а ако владиката Агатангел навистина го изјавил ова, тој потенцира дека тоа не е став на Синодот, ниту на Црквата.

„Не го видов, не знам за што станува збор. На Црквата не ѝ е работа да се занимава со востанија. Таа треба да се грижи за духовниот живот на верниците, а не да се занимава со дневнополитички прашања и партиски престрелки“, вели Тимотеј за „Макфакс“.

Владиката Тимотеј вели дека не е работа на црквата да го решава спорот за името меѓу Грција и Македонија.

„Во однос на името, сигурно дека ниту еден Македонец не сака да му се менува името, но тоа не е наша работа. Ако тоа не задира во идентитетот и јазикот, тоа е оценка за оние што се платени за тоа. Впрочем, сите ќе може да се изјаснат бидејќи тоа прашање ќе оди на референдум. Наше е да шириме мир, љубов и разбирање меѓу луѓето, а не да работиме на нивно разидување“, додава владиката Тимотеј.

Коментирајќи за протестите во Атина поврзани со спорот за името на Македонија и поддршката што демонстрантите ја имаа од Грчката православна црква, тој, исто како и владиката Петар, ги осуди грчките свештени лица.

„За поддршката што ГПЦ ја даде за протестите поврзани со спорот што Грција го има со Македонија, навистина е срамота што носат мантија, срамота е што се нарекуваат монаси. Ги оставиле мантиите и се занимаваат со ирационални работи, го промашиле својот живот. Треба да се борат за она на што се посветени, а нивната борба не е на верата и црквата“, вели Тимотеј.

К. Ландов

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија28 минути

(Видео) Ковачевски: Отворени се нови можности за економијата и членството во ЕУ, повикувам на обединување и паметни одлуки

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се...

Регион40 минути

Милановиќ: Ја провоцираат Русија од 2014-та да започне војна, па ние и Србите не се мразевме толку

Хрватскиот претседател Зоран Милановиќ денеска ја коментираше ситуацијата во Украина, нагласувајќи дека Русија со години била провоцирана. Тој рече дека...

Македонија49 минути

(Видео) Јаневска: Доцни исплатата на стипендиите, а на студентите не им се исплатени ни парите за студентски оброк

„Учениците и студентите останаа без поддршка од државата. Доцни исплатата на ученичките и студентските стипендии. Наместо државата да ги мотивира,...

Регион3 часа

„Демостат“: Србија во ЕУ до 2030 година ако го прифати европскиот план за косовското прашање

Јасната перспектива за членство на Србија во Европската Унија, инвестициите во енергетскиот сектор и ослободувањето од зависноста од Русија во...

Европа4 часа

Ги чувале децата во вински подрум во Австрија, соседите се посомневале, реагира полицијата

Шест британски деца се спасени во Австрија кога беа откриени дека живеат во напуштен вински подрум со своите родители. Полицијата...

Македонија4 часа

Бугарскиот министер за внатрешни работи доаѓа во Скопје на средба со министерот Спасовски

Вицепремиерот за јавен ред и безбедност и министер за внатрешни работи на Бугарија, Иван Демерџиев, со придружна делегација, денеска, ќе...

Европа4 часа

Путин на Џонсон му се заканил со ракетен напад: Ќе трае само една минута

Борис Џонсон, поранешниот премиер на Велика Британија, откри дека Владимир Путин, претседателот на Русија, му се заканувал со ракетен напад...

Македонија4 часа

Османи во Брисел на средби во НАТО и ЕУ

Претседавачот со ОБСЕ, министерот Османи, денес и утре е во работна посета на Брисел, каде што ќе оствари средби со...

Македонија15 часа

Милков: Најважен чекор за заштита на правата на Бугарите во Македонија е вклучувањето во Уставот

„Сакаме во Северна Македонија да бидат заштитени правата на Бугарите. Ние се стремиме кон таква деескалација, која ќе доведе до...

Спорт23 часа

(Видео) Ѓоковиќ во солзи ја прослави победата, плачеа и фановите

Новак Ѓоковиќ е шампион на Австралија Опен и повторно прв на АТП листата. Српскиот тенисер ја освои Австралија една година...

Македонија24 часа

(Видео) ВМРО-ДПМНЕ бара од власта да ги преиспита тврдењата дека странски држави се вмешани во провокациите кон Македонија

Државата сериозно да ги преиспита наводите кои и самиот Пендаровски ги кажа дека здруженија, фондации, поединци и агентурни мрежи од...

Македонија1 ден

Полицијата упадна во над 200 локали и казина, приведени се лица за дрога и оружје

Синоќа по полноќ до 4 часот утринава, полицицијата спроведе акциска контрола во угостителски објекти на 272 локации. Во контролата беа...

Свет1 ден

По терористичките напади Израел размислува да им дозволи на цивилите да носат оружје

Кабинетот за безбедност на Израел одобри мерки со кои на Израелците ќе им се овозможи носењето оружје по двата одделни...

Свет1 ден

(Видео) Дронови нападнаа воена база во Иран

Со беспилотни летала извршен е напад врз воена фабрика во градот Исфахан во Иран, соопшти официјален Техеран. „Експлозијата се случи...

Македонија1 ден

Ќучук: Надворешни фактори не сакаат да бидеме во добри односи со Северна Македонија

Има надворешни фактори кои не сакаат Бугарија и Северна Македонија да бидат во добри односи. Тоа се сите оние луѓе...

Свет1 ден

Нетанјаху: Не сакаме ескалација, но подготвени сме на секое сценарио

Израелскиот премиер Бенјамин Нетанјаху најави силен и цврст одговор на тероризмот по двата палестински напади во источен Ерусалим, од кои...

Свет1 ден

Зеленски воведе санкции за 185 комапнии и поединци кои ја поддржуваат Москва

Украинскиот претседател Володимир Зеленски воведе санкции за 185 компании и поединци кои ја поддржуваат руската војна, која трае веќе 12...

Свет1 ден

Земјотрес од 5,9 степени го погоди Иран, најмалку тројца загинати и стотици повредени

Најмалку три лица загинаа, а стотици се повредени во земјотресот со јачина од 5,9 степени според Рихтеровата скала што го...

Македонија2 дена

Место да ја плукате и мразите Македонија, подобрете го стандардот, за 30 отсто е намален бројот на жители во Бугарија, порача Мицкоски

Лидерот на опозицијата Христијан Мицкоски ги повика македонските власти да престанат со аматеризмот кога се работи за македонско – бугарските...

Топ2 дена

Возачот кој прегази пензионер на пешачки во Бутел имал 17-години и возел брзо, обвинителството побара притвор

Обвинителството објави нови детали за синоќешната сообраќајна несреќа во скопската населба Бутел, каде што животот го загуби пешак. Од тука...