ДИК е подготвена за локалните избори

Државната изборна комисија е подготвена за локалните избори, усвоен е прирачникот за работа на општинските комисии.

„Подготвени сме да спроведеме избори во согласност со Изборниот законик и другите законски акти. Овие два месеца се фокусиравме на усвојување на најважните акти за да бидеме подготвени за локалните избори. Денеска на дневен ред е усвојувањето прирачници за општинските изборни комисии и избирачките одбори“, велат од Комисијата и додаваат дека посебниот избирачки список не е во сила бидејќи имаше важност до последните парламентарни избори.

– Вклучени се и тие 29 илјади што не беа, ќе бидат вклучени тие што ги исполнуваат исловите, но јас не можам да потврдам колку од нив ги исполнуваат. ДИК прави сè да биде ажуриран и подготвен Избирачкиот список – изјави Субхи Јакупи од ДИК.

На дневен ред на денешната седница е ставена и точката за проверка и процена на пристапноста на избирачките места за лицата со посебни потреби на територијата на Република Македонија.