Контакт

Daily news

Ексградоначалник на Центар под истрага за мостот Око

Објавено пред


Градењето на мостот Око во центарот на Скопје ќе резултира во неколку кривични пријави против луѓе на одговорни функции. Меѓу нив, извори кои инсистираат на анонимност, за „Макфакс“ тврдат дека ќе биде и поранешен градоначалник на Општина Центар.

Истрага за сомнителното градење на мостот, од носењето на одлуките за негова изградба па сè до пуштањето во употреба спроведуваат Министерството за внатрешни работи, Основно јавно обвинителство, Специјалното јавно обвинителство и Управата за финансиска полиција. Нашите извори велат дека истрагата во дел од институциите е при крај и наскоро ќе бидат поднесени повеќе кривични пријави.

„Иако истрагата не е целосно завршена, веќе е јасно дека за изградбата на мостот Око извесни ќе бидат кривични пријави против неколкумина одговорни лица. Веќе е утврдено дека договорот со првиот изведувач на мостот, хрватски ‘Конструктор’, е раскинат поради непочитување на предвидените рокови за изградба, но и покрај пробиените рокови, нема документација која ќе покаже дека била активирана банкарската гаранција“, велат извори за „Макфакс“.

Дополнителни неправилности биле утврдени при изборот на фирмата изведувач која го доградуваше мостот. Според документацијата, во моментот кога бил раскинат договорот со хрватски „Конструктор“ мостот бил изграден осумдесет отсто, но и покрај тоа кога се избирал изведувачот за да го догради, била предвидена сума со која се покривале повеќе од дваесет отсто од трошоците за целосна изградба.

Од Општина Центар потврдија дека целосната документација за мостот ја дале на увид на надлежните институции.

„Во интерес на истрагата не можеме да кажеме ништо повеќе за мостот Око освен тоа дека за него е заинтересирано и Специјално јавно обвинителство за што им ја обезбедивме сета документација“, велат од Општина Центар.

Мостот Око, подоцна преименуван во Мост на цивилизациите, се градеше пет години, период во кој низ Општината минаа тројца градоначалници. Плановите за мостот беа направени во периодот кога градоначалничка беше Виолета Аларова, почна да се гради кога градоначалник стана Владимир Тодоровиќ, а изградбата финишираше кога градоначалник на Општина Центар беше Андреј Жерновски.

Градежните работи стартуваа 2009 година откако на јавен оглас за изведувач беше избрана фирмата „Конструктор“ од Сплит, Хрватска. Тие требаше да изградат модерен мост со конструкција во форма на око ако се гледа од птичја перспектива. На средината на мостот беше предвиден голем стаклен дел кој треба да потсетува на око и токму поради тоа, мостот беше наречен око. Но подоцна, во текот на изградбата беа сменети и изгледот и името на мостот. Беше преименуван во Мост на цивилизациите и Општината најави дека ќе го украси со 29 бронзени скулптури на благородници, кнезови, антички и пајонски кралеви. Изградбата беше превидено да чини 1,5 милиони евра, а за скулптурите беа предвидени уште 170.000 евра.

Во 2012 година целосно сопреа градежните активности. Општината го раскина договорот со хрватската градежна компанија, а подоцна во постапка со преговарање, без јавен оглас довршувањето на мостот го довери на компанијата „Бетон“ од Скопје. Тогаш Општина Центар извести дека новиот договор е на 1,2 милиони евра, а општинарите најавија и дека ќе поведат судска постапка против хрватската градежна компанија за неисполнетите обврски од договорот.

Урбанистите, архитектите и хидролозите уште кога беше претставен планот за овој мост беа против негова изградба и укажуваа дека во коритото на Вардар не треба да се гради. Последниве три месеци во тек се анализи на новите мостови во реката кои треба да покажат како ќе се постапува со нив, а не е исклучена можноста за нивно отстранување од коритото на Вардар.

(М.И.П.)



©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Daily news

Притворен 23-годишен маж за нападот во Виена

Објавено пред

Австриската полиција соопшти дека притворила 23-годишен маж, осомничен за нападот со нож во Виена, при што беа повредени четири лица.

Порпаролот на полицијата, Патрик Мајерхофер, соопшти дека осомничениот бил притворен набргу кога 20-годишен маж прободен со нож бил хоспитализиран со повреди опасни за живот. Полицијата и понатаму истражува дали истото лице го нападнало и тричленото семејство што синоќа беше избодено во центарот на Виена.

Службените лица не објавија детали за идентитетот на осомничениот.

Во полициското соопштение се наведува дека сите членови на семејството, 65-годишен маж, 56-годишна мајка и нивната 17 годишна ќерка, имаат повреди опасни по живот и се одведени во болница. Нивните имиња не се наведени.

Синоќа непознат напаѓач со нож нападна семејство, по што побегна, а за време на бегството повреди уште едно лице.

Прикажи повеќе...

Daily news

Летовите до Израел ќе поминуваат низ воздушниот простор на Саудиска Арабија

Објавено пред

Авион на „Ер Индија“ денеска леташе помеѓу Њу Делхи и Тел Авив во воздушниот простор на Саудиска Арабија, со што се стави крај на 70-годишната политика на Ријад.

Саудиска Арабија, која не го признава Израел, досега не дозволуваше меѓународни летови кон Израел во саудискиот воздушен простор, но промената на оваа политика може да биде знак на одмрзнување на односите меѓу Израел и кралството, со оглед на тоа што и двете земјите ја делат загриженоста за иранското влијание во регионот.

Во понеделникот израелскиот премиер Бенјамин Нетанјаху изјави дека индиската авиокомпанија добила дозвола да прелета над Саудиска Арабија, но неговите зборови не беа првично потврдени ниту од Ријад ниту од седиштето на „Ер Индија“.

Новата воздушна линија заштедува околу два часа лет помеѓу Њу Делхи и Тел Авив, а авиокомпанијата планира да спроведува по неколку вакви летови неделно. Не е соопштено дали правото го добиле и други авиокомпании или тоа важи само за авиони на „Ер Индија“.

Прикажи повеќе...

Најново

Македонија12 часа

ЕЛЕМ: Децата на Грчев и Џафери се ангажирани оти имаа исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија15 часа

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија16 часа

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион17 часа

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија17 часа

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија17 часа

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет17 часа

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија1 ден

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија1 ден

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија1 ден

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија2 дена

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Македонија2 дена

(Видео) Ахмети: Јас не сум препродавач на Бит-пазар за да давам или земам министерства

Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе...

Македонија2 дена

На Јанкулоска ќе ѝ се суди одвоено за „Тенк“ поради потврдата за ризична бременост

На поранешната министерка за внатрешни работи, Гордана Јанкулоска, ќе ѝ се суди одвоено за случајот „Тенк“, кој се однесува на...

Свет2 дена

Директорот на ЦИА се сретнал со Ким Џонг-ун

Директорот на ЦИА, Мајк Помпео, отпатувал за Пјонгјанг на таен состанок со севернокорејскиот лидер Ким Џонг-ун, пренесуваат американските медиуми. Според...

Македонија2 дена

(Видео) Заев: Датум за почеток на преговорите во јуни е нашата следна цел

Безусловната препорака од Европската комисија е мотив за следната цел, а тоа е одлука за почеток на преговорите со Европската...

Македонија2 дена

Уапсен Фејзи Азири обвинет во случајот „Монструм”

Фејзи Азири, кој е еден од обвинетите во случајот „Монструм“, вчера бил пронајден и уапсен со правосилна судска пресуда за...

Македонија2 дена

(Видео) Хан: Македонија се врати на европскиот пат, но има уште многу да се работи

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција...

Македонија2 дена

Во кривичниот суд продолжуваат судењата за „Тенк“ и „Тарифа“

Во кривичниот суд денеска се очекува да продолжат судењата за предметите „Тенк“ и „Тарифа“ на специјалното јавно обвинителство. Во денешното...

Македонија2 дена

Откриени 38 мигранти во комбе кај тунелите кај Демир Капија

Триесет и осум мигранти биле откриени вчера на регионалниот пат Гевгелија-Скопје во товарно моторно возило „форд транзит“ во близина на базата...

Македонија2 дена

Хан и Могерини денеска во Скопје

Денеска во официјална посета на Република Македонија пристигнува делегација на Европската Унија предводена од комесарот за европска соседска политика и...

Досие