Контакт

Daily news

За серијата „Македонија“ најмногу пари влегле во Хрватска, дел завршил и на сметка во САД

Објавено пред

Истрагата на финансиската полиција во врска со играната серија „Македонија“ утврдила доволно докази и созреаната кривична пријава е доставена до Основното јавно обвинителство. Според нивните сознанија и следење на трагата на 1.100.000 евра, колку што државата ѝ дала на „Јадран филм“, односно продуцентот Винко Грубишиќ, за снимање на првата сезона со 14 епизоди, кои до денес не се доставени пред македонската Агенција за филм, се покажало дека повеќе од 65 отсто од парите се изнесени надвор од државата, со што е прекршен уште еден закон од филмската дејност, кој налага најмлаку овој процент од вкупниот буџет што му се дава на продуцентот да биде потрошен тука.

Имено, 277.592 илјади евра денари се уплатени на фирма во Македонија, речиси 15.000 евра завршиле на сметка на фирма во Америка, а остатокот се уплаќани на фирми на Винко Грубишиќ во Хрватска. Од неговите фирми, три се во стечајна постапка, а што се однесува до дејноста таа е повеќенаменска и не е единствено за филмска дејност. Не се исклучена можноста да се потврдат сознанијата на „Макфакс“ дека преку овие фирми се мотивирани медиумски куќи во полза на пропагандни текстови за поранешната македонска влада.

Директорот на Управата за финансиска полиција, Арафат Муареми, ни изјави дека Основното јавно обвинителство го презема случајот врз основа на кривичната пријава за која се обезбедени цврсти докази.

„ Во случајот со Јадран филм“, односно Винко Грубишиќ, се утврдени сериозни финансиски неправилности во трошењето на парите. Ја доставивме кривичната пријава до Обвинителството. Во интерес на истрагата за која имаме соработка и со хрватскитре колеги во моментот не можеме пред јавноста да изнесеме повеќе информации“.

И македонското и хрватското обвинителство, од каде што побаравме детали за овј случај, ниту ни потврдуваат ниту ги одречуваат информациите за овој случај.

На прашањата од редакцијата на „Макфакс“, доставени до портпаролката на хрватското обвинителство (ДОХР), Мартина Михордин, ни одговори: „Постапката се води тајно и во моментот не можеме да одговориме на прашањата поврзани за овој случај“.

Но, како што веќе информиравме, повикувајќи се на пишувањата на хрватскиот портал „Индекс“, Хрватската национална телевизија го раскинала договорот со „Јадран филм“ за серијата „Гричка вјештица“ поради ненаменско трошење и непочитување на обврските за договорот. Хрватските медиуми информираа дека за уште два филмски проекта овој продуцент е под истрага на хрватскто обвинителство.

И додека обвинителствата ги држат во тајност овие информации, „Макфакс“ дознава дека во интерес на истрагата исказ дала и поранешната директорка на Агенцијата за филм, Мими Ѓорѓоска-Илиевска, всушност потписник на договорот со продуцентската куќа „Јадран филм“.

Серијата „Македонија“ требаше да биде доставена до Агенцијата за филм до 4 септември, а за следните сезони беа предвидени уште 3 милиони евра. Договорот беше прекинат бидејќи не беа исполнети предвидените обврски кон Агенцијата, а истражувањата за натамошните одговорности и нерегуларности беа предадени на институциите на системот.

Ова е и првиот случај од кој Владата го сврте бројчаникот за враќање на долгот и од сметката на Винко Грубишиќ беа одземени 300.000 евра, колку што биле затекнати во моментот. За можноста да се вратат преостанатите пари, надлежните велат дека во Македонија тој нема регистрано никаков имот,  но во Хрватска веројатно ќе се преземат мерки по расчистување на истрагата.

Во меѓувреме „Јадран филм“ на социјалните мрежу пласира трејлер за играната серија „Македонија“ и во неколку наврати испрати соопштенија во јавноста во кои негира дека што било од ова што го тврдат институциите е точно и дека серијта ќе биде завршена, а продуцентот ќе ја тужи Агенцијата за филм. Образложението одеше во насока дека ова е лична пресметка на актулениот директор на Агенцијата за филм, Горјан Тозија, кој рече дека е бесмислено топката да се префрла во какви било лични релации и единствено е важно каде е серијата и зошто таа не е доставена до Агенцијата до предвидениот датум.

Објавена беше и двеминутна сцена во која има дијалог за некаква мечка, па „Јадран филм“ вели дека ова било причина таа да биде цензурирана од Тозија.

До нас и до некои други медиуми стигна и изјавата на Огнен Георгиевски, кој реагира дека неговото име е ставено како сценарист на серијата „Македонија“.

„ На почетокот на 2016 ми се јави еден мој колега, кој ме охрабри да го приложам моето резиме како еден од потенцијалните сценаристи на ТВ-серија што треба да се снима во Македонија со хрватски продуценти. Во февруари и март таа година разменив неколку имејл-пораки со господинот Винко Грубишиќ, по што мојот конечен одговор беше дека поради други ангажмани, не можам да работам на серијата. Како моја замена предложив еден наш реномиран драматург на кого не знам дали воопшто ми се јавиле. Иако и на веб-страницата на Агенцијата за филм на Република Македонија стои дека сум дел од пишувачкиот тим на серијата, тоа, едноставно, не е вистина“.

До конечното расчистување на овој скандалозен договор и сите инволвирани актери, „Макфакс“ со линкови во целост ви  пренесува дел од досегашните објави.

Ана Василевска

 

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Daily news

Притворен 23-годишен маж за нападот во Виена

Објавено пред

Австриската полиција соопшти дека притворила 23-годишен маж, осомничен за нападот со нож во Виена, при што беа повредени четири лица.

Порпаролот на полицијата, Патрик Мајерхофер, соопшти дека осомничениот бил притворен набргу кога 20-годишен маж прободен со нож бил хоспитализиран со повреди опасни за живот. Полицијата и понатаму истражува дали истото лице го нападнало и тричленото семејство што синоќа беше избодено во центарот на Виена.

Службените лица не објавија детали за идентитетот на осомничениот.

Во полициското соопштение се наведува дека сите членови на семејството, 65-годишен маж, 56-годишна мајка и нивната 17 годишна ќерка, имаат повреди опасни по живот и се одведени во болница. Нивните имиња не се наведени.

Синоќа непознат напаѓач со нож нападна семејство, по што побегна, а за време на бегството повреди уште едно лице.

Прикажи повеќе...

Daily news

Летовите до Израел ќе поминуваат низ воздушниот простор на Саудиска Арабија

Објавено пред

Авион на „Ер Индија“ денеска леташе помеѓу Њу Делхи и Тел Авив во воздушниот простор на Саудиска Арабија, со што се стави крај на 70-годишната политика на Ријад.

Саудиска Арабија, која не го признава Израел, досега не дозволуваше меѓународни летови кон Израел во саудискиот воздушен простор, но промената на оваа политика може да биде знак на одмрзнување на односите меѓу Израел и кралството, со оглед на тоа што и двете земјите ја делат загриженоста за иранското влијание во регионот.

Во понеделникот израелскиот премиер Бенјамин Нетанјаху изјави дека индиската авиокомпанија добила дозвола да прелета над Саудиска Арабија, но неговите зборови не беа првично потврдени ниту од Ријад ниту од седиштето на „Ер Индија“.

Новата воздушна линија заштедува околу два часа лет помеѓу Њу Делхи и Тел Авив, а авиокомпанијата планира да спроведува по неколку вакви летови неделно. Не е соопштено дали правото го добиле и други авиокомпании или тоа важи само за авиони на „Ер Индија“.

Прикажи повеќе...

Најново

Македонија1 час

Република Илинденска Македонија е име со временска одредница, му реплицираат од Владата на Ципрас

Република Илинденска Македонија е име со временска одредница кое се повикува на конкретни датуми од минатото и е реална можност...

Македонија3 часа

Грчките политички лидери не го прифаќаат предлогот за решавање на спорот за името

Грчката влада соопшти дека предлогот за решавање на спорот околу името на Македонија треба да содржи географскa или временска одредница....

Македонија19 часа

(Видео) Иванов: Став за новиот предлог ќе изградам откако ќе го добијам на писмено

Се додека не добијам писмена достава за она што се разговарало на средбите помеѓу Македонија и Грција во врска со...

Македонија19 часа

(Видео) Мицкоски: ВМРО-ДПМНЕ не прифаќа промена на името и Уставот

ВМРО-ДПМНЕ останува на ставот од минатото дека нема да поддржи промена на Уставот и промена на уставното име, рече лидерот...

Македонија19 часа

(Видео) Република Илинденска Македонија е предлогот за името

По денешната лидерска средба премиерот, Зоран Заев, во изјава за медиумите обелодени дека предлогот за кој разговарале со неговиот грчки...

Македонија20 часа

(Видео) Угриновски по трет пат избран за претседател на Федерацијата на планинари

Јовица Угриновски попладнево по трет пат е избран за претседател на Федерацијата на планинари.  Тој беше единствен кандидат за оваа...

Македонија21 час

Мицкоски: Да се обединиме против злото, а тоа е Зоран Заев

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и...

Македонија22 часа

Група граѓани со транспаренти и патриотски песни ги пречекуваат учесниците на лидерската средба

Група граѓани со транспаренти и пеејќи патриотски песни ги пречекуваат лидерите на партиите кои денеска попладне во Клубот на пратеници...

Свет1 ден

(Во живо) Кралската свадба на принцот Хари и Меган

Меган Маркл официјално ќе стане дел од британското кралско семејство. Церемонијата ќе се одржи напладне во Сент Џорџ капелата и...

Свет1 ден

(Видео) Сe е подготвено за спектакуларната кралска венчавка 

Камерите и фотоапаратите на светските медиуми викендов се свртени кон најголемиот настан за кралското семејство, венчавката на принцот Хари и...

Економија2 дена

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот...

Култура2 дена

Петиција против пазарењето со културата – Не шуткајте нè во невидливи ќошиња

Интензивни реакции на социјалните мрежи по шпекулациите дека Владата преговара со Беса за ресорот култура. Оваа информација не ја потврдија...

Македонија2 дена

Грујевски и Бошкоски нема да бидат екстрадирани, одлучи Врховниот суд во Атина

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот...

Македонија2 дена

Од Владата не коментираат за Република Илинденска Македонија

Република Илинденска Македонија неофицијално е последниот предлог за решение на спорот за името за кој вчера во Софија дискутирале премиерите...

Македонија2 дена

„Катимерини“: Името Илинденска Македонија е предлог на ФИРОМ

Името Илинденска Македонија (што означува два историски настана од 1903 и 1945 година), според информациите што доаѓаат од страна на...

Македонија2 дена

Јанушев: Итна лидерска средба за името, Заев да каже кои се опциите што ги договорил со Ципрас

Од ВМРО-ДПМНЕ соопштија дека изминатите денови неколкупати јавно побарале од премиерот Заев одржување лидерска средба во врска со името, но...

Македонија2 дена

Каракачанов: Едно од можните решенија е Илинденска Македонија

Илинденска Македонија е едно од можните имиња за Македонија кое било договорено вчера меѓу премиерите на Македонија и Грција. Слушнав...

Македонија2 дена

ВМРО-ДПМНЕ: Судиите се под притисок, сите однапред ги знаат пресудите за „Тенк“ и „Поткуп“

Правосудството во Република Македонија е на колена, а судиите се во грч и работат под политички притисок. Споредбата како се...

Свет2 дена

Трамп нема да биде обвинет додека е претседател, тврди Џулијани

Специјалниот советник, кој ја води истрагата за наводна вмешаност на Русија во претседателските избори во САД во 2016 година, Роберт...

Регион2 дена

Хрватска го презеде претседавањето со Советот на Европа

Хрватска од денеска го презеде претседавањето со Советот на Европа, првпат откако стана негова членка пред 22 години. Хрватска го презема...

Досие