Контакт

Daily news

Интервју, Миљенко Јерговиќ: Поважно е што мисли Кардашијан од Дилан

Објавено пред

Хрватскиот и босански писател Миљенко Јерговиќ вечерва ќе ја прими наградата „Прозарт“ што ја доделува фестивалот „Про-ЗА Балкан“ за авторски придонес во балканската литература. Независно кој национален предзнак стои пред неговото име, по фасцинантниот литературен опус со близу 30 прозни и поетски изданија, и неброени публицистички текстови, преводи и награди, тој е автор кој е читан низ целата територија на поранешно југословенските земји. Пишува со голема леснотија, интроспекција и течение како длабока река, понекогаш мирно но и бранувано. Го нарекуваат еден од најлуцидните автори на Балканот. На актуелните состојби и вредносната криза во светот гледа спокојно, но вели секако одиме кон планетарен колапс. Роден е во Сараево, во градот синоним за културна мешавина.

Своите ставови и размислувања редовно ги пласира на својот блог, но за Макфакс проговоревме на терасата на хотелот спроти споменикот Мајка Тереза, и направивме кратка „прошетка“ низ мислите и нештата што ги согледуваме.

Неодамна Боб Дилан ја доби Нобеловата награда за литература, но истата не дојде да ја прими. Дали сметате дека наградите се поважни за фестивалите што си градат имиџ врз имињата на наградените или, сепак, тие се значајна валоризација на нечија работа?

– Наградите всушност ништо не менуваат. Писателот нешто напишал, и тоа нешто вреди или не вреди, без оглед на наградите. Наградите тука не можат ништо да сменат. Некој што добил Нобелова награда за книжевност не го прави ниту подобар ниту полош писател отколку што бил претходно. Така што, наградите не се како резултат во спортот за тоа кој е подобар. Важно е дека тие што ги доделуваат ги ценат вашите дела и ги прочитале, и тоа е доволно добро.

 

Колку е важен гласот на писателите кога говорат јавно, се чини дека медиумските идоли и оние кои го креираат јавното мислење се сосема некои други профили на личности и биографии?

– Да, тоа е така и не може да се смени. Живееме во време во кое политичарите и естрадните уметници се мерка за сите нешта, и поважно е што мисли некој селебрити, кој ниту знаеш со што се занимава, ниту какво образование има. На светот му е многу поважно што мисли Ким Кардашијан отколку што мисли Боб Дилан. Тоа е едноставно така, тоа е планетарна пропаст, и фактот што претседател на Америка е Доналд Трамп, човек кој не е ништо поразличен од Кардашијан, човек за кој не знаеме ни што е по професија ниту со што се занимава. Мислам дека не треба да се вознемируваме за тоа, ниту да се обидуваме да бидеме многу гласни за некој да нè слушне. Тие што сакат, ќе допреш до нив, и така е сè решено на многу едноставен начин.

Демократија

Правото на избор и на јавно мислење се чини како врв на демократијата?

– Не е тоа никаква демократија, тоа има врска со начинот на кој функционираат светот и медиумите, и исто така со социјалните мрежи. Секој може на Фејсбук профил да изнесува свое мислење за сè, а особено за тоа за кое тој најмалку знае. Светот е во таква ситуација. Право да го изнесат своето мислење имаат најмногу оние кои немаат врска со ништо, и тие чии ставови се најскандалозни, треба само да се каже нешто сензационално. Најдобро поминува кога ќе се изговорат лудости од различен вид. Сепак, има општества кои се одговорни и сериозни, каде што, сепак, се учи од паметните индивидулаци.

Сараево

„Плочата ‘Нестварни ствари’ на новосадската група Луна (никако да не се помеша со истоимената подоцнежна белградска поп треш група…) ја купив штом излезе, ми се чини во почетокот на летото во 1984. Ја објави љубљанскиот издавач Хелидон, во 920 примероци. Тиражот на ‘Нестварни ствари’ беше минимален. ‘Настварни ствари’ едвај и да беа некаде дистрибуирани затоа што Луна во времето на објавата повеќе и не постоеше, ниту имаше изгледи дека некогаш ќе биде обновена“ – вака пишува Јерговиќ во една своја колумна која е миговно патување наназад во Сараево. Плочата ја купил во родниот град, а ја преслушува некаде во Пула минатата година. Не се забележува вознемиреност кога зборува за Сараево, едноставно Јерговиќ верува во некоја нова еволуција на градовите.

Дали често патувате во Сараево и какви чувства имате кога гледате на неговата блиска историја од денешна перспектива?

– Доста честo го посетувам. Светот се менува па така се смени Сараево па и Босна. Тие промени се делумно причинети од војната, и со самото тоа се негативни, а делумно со едноставното течение на времето. Од времето на предвоено Сараево поминаа 25 години, тоа е огромен временски период. Што се однесува до тоа што е останато од она предвоено Сараево, веројатно тоа што е останато во главите на луѓето што го паметат, нешто на улиците, нешто во Америка и Канада каде што живеат некои сарајлии. Сега се тоа некои други младости, некое друго време. Тие луѓе сега имаат право на тој град како што ние имавме некогаш одамна. Малку е тешко прецизно да се присетам од денешна перспектива какво беше чувството кога почна големата саревска трагедија. Знам дека никој тогаш, ниту, пак, јас можев да замислам како тоа ќе се развива, и како ќе изгледа.

Војната може да ја убие креативноста?

– Тоа не е вистина, поривот да пишуваш се раѓа во секакви околности, можеби уште повеќе кога наоколу има катастрофа. Тоа е сосема природно.

Балкан

Каква политичка иднина му предвидувате на Балканот?

-Нештата ќе се одвиваат во еден глобален контекст, ако опстане Европската заедница, а мислам дека тоа ќе се случи, тогаш и Балканот ќе биде дел од таа заедница и сите овие земји ќе се интегрираат таму. Ако Европа не преживее тогаш и Балканот ќе ја дели истата судбина. Добро е што нештата не се генерираат од Балканот кон Европа бидејќи историјата покажа дека вообичаено произведуваме несреќа. Нашата балканска генетика е навикната да биде дел од големите империи и последниве години учиме како да управуваме со самите себе, но ми се чини дека не напредуваме најдобро.

Интернационалниот литературен фестивал „Про-за Балкан“ наградата ја доделува петта година за авторски придонес во развојот на книжевноста на Балканот.

Миљенко Јерговиќ, кој беше гостин на првото издание на „Про-за Балкан“, е роден во 1966 година во Сараево, а денес живее во Загреб. Автор е на повеќе од 30 романи, збирки раскази и поетски изданија.

Добитник е на голем број национални и меѓународни книжевни награди, како наградата за мир „Ерих Марија Ремарк“ (1995), италијанската Premio Grinzane Cavour (2003), Ангелската книжевна награда за најдобар роман во Средна Европа (Полска, 2012) и наградата „Његош“ (2015). Тој е еден од најчитаните автори во регионот.

Наградата „Прозарт“ во изминатите четири години ја добија писателите Владислав Бајац, Даша Дрндиќ, Вида Огњеновиќ и Георги Господинов. Со нејзиното врачување на Јерговиќ вечер, во 19.30 часот, во Даут-пашин амам, каде и другите писатели учесници ќе читаат извадоци од своите дела, ќе биде затворен годинашниот „Про-за Балкан“ кој го организира издавачката куќа „Икона“.
разговарала Ана Василевска



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија4 часа

Владата доби доверба во Собранието, пратениците од ВМРО-ДПМНЕ не гласаа

За доверба на Владата гласаа 62 пратеници, без против и воздржани пратеници. Одлуката беше поздравена со аплауз од владејачкото мнозинство...

Македонија5 часа

Во земјава засега нема јужноафрикански вид, кај еден од повратниците од Занзибар детектиран британскиот вид на вирусот

Според анализите што денеска се направени во Македонската академија на науките и уметностите (МАНУ), на брисот од пациентот кој пред...

Македонија6 часа

Нови 807 заболени од Ковид-19, починале петмина

Во последните 24 часа се направени 3.312 тестирања, а регистрирани се 807 нови случаи на Ковид-19, и тоа во: Скопје...

Македонија6 часа

(Видео) Почна попишувањето на бездомните лица

Министерката за труд и социјална политика, Јагода Шахпаска, заедно со директорот на Државниот завод за статистика, Апостол Симовски, денеска го...

Македонија7 часа

Министерството за здравство: Задолжителен карантин за лицата што доаѓаат од сите јужноафрикански земји

Министерството за здравство соопшти дека Комисијата за заразни бoлести ќе предложи задолжителен домашен карантин од 14 дена за лицата што...

Регион10 часа

Русија ќе ѝ достави на Хрватска еден милион дози од вакцината „спутник В“

Русија може да достави милион дози од вакцината „спутник В“ во Хрватска во рок од една недела, пишува „Вечерњи лист“....

Регион11 час

Србија е на четврто место во Европа според бројот на новозаболени од коронавирус

Србија е на четврто место во Европа според бројот на новозаболени со коронавирус на сто илјади граѓани, изјави за „Политика“...

Свет11 час

Најопасните мутации на коронавирусот и нивните симптоми

Мутациите се нормална низа во животниот циклус на вирусот и сите негови нови соеви не мора да бидат нужно опасни...

Регион11 час

Во Загреб 25 отсто од позитивните случаи се од британскиот сој, владата ќе купува руски вакцини

Британскиот сој е пронајден кај една четвртина од позитивните случаи на коронавирус во Загреб, а на ниво на цела Хрватска...

Свет11 час

УНИЦЕФ: Училиштата се затворени речиси една година за 168 милиони ученици

За време на карантинот поради пандемијата на коронавирусот, училиштата беа затворени за речиси 168 милиони ученици во светот на една...

Европа12 часа

Експлозија во центарот за тестирање на Ковид-19 во Холандија, нема повредени

Пред отворањето на центарот за испитување на Ковид-19 во Бовенкарспел, град северно од Амстердам, одекна експлозија. Во несреќата нема повредени,...

Свет12 часа

Тексас контра Бајден: ги укина рестрикциите и обврската за носење маска

Тексас ги укинува ограничувачките мерки – се отвораат продавници и прекинува да важи обврската за носење маски. Гувернерот на американската...

Македонија1 ден

(Видеоинтервју) Георгиевски: Србите биле три пати пожестоки, па не ги нарекуваме окупатори, зошто да не им простиме и на Бугарите

За експремиерот Љубчо Георгиевски нема ништо спорно ако македонската страна  ги смени во учебниците називите за Бугарите од типот окупатор, номад...

Македонија1 ден

Заев за новиот систем против корупција: Ќе се дигитализираат сите обвинителства, нема веќе предмети во фиока

Ќе се екипираат и дигитализираат јавните обвинителства со оперативни истражни центри, за сите 23 јавни обвинителства во државата заедно со...

Свет1 ден

До 60 проценти од луѓето што прележале коронавирус може да се заразат со бразилскиот вид

Шест од 10 лица што прележале Ковид-19 се ранливи на бразилскиот вид П1, покажа истражувањето спроведено во градот Манаус, во...

Топ1 ден

Двајца Косовци осомничени дека пукале во полицаецот во Ѓорче Петров

Двајца Косовци се уапсени под сомнение дека го предизвикале вчерашниот инцидент во скопската населба Ѓорче Петров кога околу 16.30 часoт...

Македонија1 ден

На следниот конгрес СДСМ ќе го смени своето име во согласност со договорот од Преспа

Лидерот на СДСМ, Зоран Заев, вели дека името на партијата сè уште не е сменето поради пречките што ги предизвикала...

Европа1 ден

Во Диселдорф забрана за стоење во место: „Јадете само во движење“

Градската управа на Диселдорф донесе одлука граѓаните да не смее да стојат на едно место на главните шеталишта во градот...

Свет1 ден

Експертите на СЗО против употребата на лекот „хидроксихлорокин“

Лекот „хидроксихлорокин“, за кој поранешниот американски претседател Доналд Трамп тврдеше дека ќе го промени текот на пандемијата, не треба да...

Свет2 дена

Шок-бомби, кациги и импровизирани шлемови на протестите во Мјанмар

Полицијата во Мјанмар активира шок-бомби за да ги растера демонстрантите во Јангон, најголемиот град во Мјанмар. Тие се собраа пред...

Досие