Контакт

Daily news

Исхрана и вежби според хороскопскиот знак

Објавено пред

ОВЕН
Амбициозната и активна Викторија Бекам е типичен припадник на овој знак. Луѓето родени во него тежнеат кон конкуренцијата и решени се да победат. Кога станува збор за исхраната, брзите режими на исхрана кои даваат брзи резултати се најдобар избор за нив бидејќи трпението дефинитивно не е нивна карактеристика.

Исхрана: Аткинс диетата (богата со протеини и многу малку јаглехидрати) е добар избор за овните. Тоа им дава сила и одговара на нивната темпераментна природа. Станува збор за екстремен режим на исхрана, па затоа е потребно повремено советување со доктор и контролирање на нивото на холестерол.

Вежби: Овните се премногу себични за да бидат тимски играчи, па според нив вежбање заедно со пријателите нема никаква смисла. Претпочитаат да изберат аеробик, трчање или што било друго што ќе ги тестира нивните граници.

БИК
Актерката Кристина Хендрикс, како и секој бик, е склона кон „забранетите задоволства“, особено оние кои вклучуваат чоколадо. Затоа, за биковите најефективен метод е планирана диета.

Исхрана: Волуметрикс диетата, која се базира на внесување храна со ниска енергетска вредност и дозволува консумација на големи количини овошје и зеленчук, е најдобрата опција за биковите. Имајте ги предвид јаглехидратите, кои бавно се разградуваат и суво овошје кое ќе ви даде чувство на ситост.

Вежби: Искористете ја својата тврдоглавост за да останете фокусирани на целта, како на пример, трчање 5 km за 45 минути.

БЛИЗНАЦИ
Свежи, младешки и секогаш подготвени за акција. За близнаците „разноликоста е зачин на животот“, па затоа тие тешко се држат до одреден режим на исхрана или вежбање.

Исхрана: Најважно во исхраната на близнаците е да се балансираат различни групи на храна и да се комбинираат со различни типови вежби. Нивниот најголем недостиг е брзата храна. Избегнувајте ги чипсовите, чоколадото и наместо тоа јадете повеќе овошје. Освен тоа, нека ви биде обврска, барем еден оброк во текот на денот да го јадете со прибор, наместо брза храна.

Вежби: Пробајте микс на аеробни вежби и вежби со висок интензитет за да не ви биде досадно.

РАК
Уживањето во храна и забавите одат заедно. Дури и Шерил Кол, иако е слаба, признава дека е склона кон овие задоволства. Вашиот надворешен непробоен слој всушност крие многу лојална душа. Храната ви носи емоционална сигурност, па затоа и кога сте вознемирени, барате утеха во храната.

Исхрана: Најважно во исхраната на раковите е да научат како да ги контролираат своите потреби и нагони за јадење.

Вежби: Агресивен тренинг за раковите е синоним за пекол. Затоа, најдобро за нив е пливањето.

ЛАВ
Мадона е типична лавица – бестрашна и фокусирана. Кога тие одлучуваат да дејствуваат, имаат доволно енергија и се посветуваат во претворањето на идејата во дело.

Исхрана: Лавовите преферираат тешка храна, а тоа е пропаст за нив. Мали порции богати со протеини, јајца, риба и зрнеста храна е идеален начин на исхрана за нив. Внесувањето јаглехидрати треба да се сведе на минимум.

Вежби: Сакаат предизвици, па за нив се најдобри вежбите од појак интензитет, како дигање тегови или зумба.

ДЕВИЦА
Избегнувајте краткорочни диети и брзо губење на килограмите. Диетите кои се базираат на внесување течности и супа можеби се привлечни, но долгорочно ниту се добри, ниту ефикасни.

Исхрана: Свежо овошје, салати, лосос и ореви се вистински избор за девиците. Избегнувајте леб, полномасно млеко и кремасти млечни производи. Телото на девицата е чувствително на стрес, а тоа им удира на желудник. Тешката храна само ќе го направи вашиот организам пренатрупан.

Вежби: Групни вежби, како на пример јога или пилатес, се совршени за овој хороскопски знак.

ВАГА
Рамнотежа и хармонија се клучни зборови за вагата, па затоа треба да ги вклучат во својата исхрана и вежбање. Гвинет Палтроу, која е припадничка на овој знак, нека ви биде пример со своите дефинирани мускули на нозете, совршениот тен и преферирањето на макробиотичка исхрана.

Исхрана: Поради влијанието на планетата Венера, вагите сакаат да се чувствуваат негувано и сакано. Во спротивно, утеха ќе побараат во слатки. Нивните коски и бубрези се слаба точка, па затоа треба да консумираат храна богата со калциум и да пијат многу течности.

Вежби: Црвено, испотено лице не е опција за вагите, па затоа тие преферираат нежни вежби, како јога.

СКОРПИЈА
Целосно фокусираните скорпии бараат режим за исхрана само заради рекрација и за да ги тестираат своите граници.

Исхрана: Без јаглехидрати, без овошје и млеко, а со многу мешункасти растенија – тоа е вистински избор, но прилично екстремен. Сепак, еднаш неделно може да јадат што сакаат, што посебно ќе им се допадне бидејќи уживаат да одат од крајност во крајност.

Вежби: Страстните скорпии имаат ригорозен режим кој бара концентрација, како на пример кик бокс или други боречки вештини.

СТРЕЛЕЦ
Скарлет Јохансон е вистински стрелец – сензуална, силна и витална. Стрелците сакаат да патуваат и уживаат во активности во природа. Токму затоа треба да изберат режим на вежбање кој вклучува контакт со природата. Треба да консумираат многу течности бидејќи на тој начин ќе го исчистат своето тело од штетни материи. Свежи сокови од зеленчук, како што се морков и цвекло се супер избор.

Исхрана: Ориентална исхрана, која вклучува многу риба, ореви, семки, зеленчук и ориз е вистински избор за стрелец. Сето тоа дава многу енергија, а тоа им треба бидејќи стрелците се еден од најенергичните знаци. Слаба точка им е тешката храна.

Вежби: Пешачење, возење велосипед и трчање, бидејќи ги привлекува свежиот воздух.

ЈАРЕЦ
Кејт Мидлтон, која е типичен јарец, е владетел на самодисциплина. Мирна, фокусирана, војвотката следи режим кој е цврсто поставен и не може ништо да излезе од патот. Но, јарците не треба да се самоказнуваат ако некогаш скршнат од него.

Исхрана: Пилешко месо, зеленчук, јајца, овошје, ориз и енергетски пијалаци овозможуваат константно следење на внесот на калории, а јарците тоа го сакаат.

Вежби: Одлично функционираат и сами, па затоа најчесто не го сакаат групното вежбање. Трчање или возење ролери е одлична вежба за нив.

ВОДОЛИЈА
Актерката Џенифер Анистон е пример за водолија – незапирлива и со слободен дух. Тие креираат и рушат правила каде и да се појават, па држењето диета за нив е вистински предизвик.

Исхрана: Водолиите се вистински бунтовници и имаат тенденција да си дозволуваат себеси премногу. Кај овој знак преовладува нервниот систем, па за да се одржи во рамнотежа, треба да внесуваат доволно витамин Б (преку зеленчук), туна и јајца.

Вежби: Вртење хулахоп или трчање бидејќи водолиите се задоволни кога се чуствуваат слободни.

РИБИ
Способни, интуитивни и нежни, припадниците на овој знак (меѓу кои се вбројува и Ева Мендез) треба да користат режим што повеќе ќе ги опушти отколку да ги измори и да им одземе многу енергија.

Исхрана: Рибите треба да го зајакнат својот имунолошки систем со многу лук и ѓумбир, но и со храна која има многу малку масти.

Вежби: Вистински избор е пливање или танцување бидејќи тоа е добар начин за намалување на стресот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија11 час

Мицкоски побара да се поведе истрага за Заев: „Слушнавме како ја егзекутира правдата“

„Ова е протестен марш со кој почнува крајот на неславното владеење на СДСМ“. Вака лидерот на ВМРО-ДПМНЕ, Христијан Мицкоски, го...

Македонија14 часа

Филипче: Дојдените од Италија да побараат преглед дома ако почувствуваат симптоми на коронавирус

Министерот за здравство, Венко Филипче, на денешната прес-конференција порача дека оние што допатувале од Италија и имаат симптоми на болеста...

Македонија15 часа

Патникот од Дубаи нема коронавирус

Министерот за здравство, Венко Филипче, соопшти дека патникот од Дубаи, кој јавил симптоми, нема коронавирус. „Вториот случај што го тестиравме...

Македонија16 часа

Владата со препораки за коронавирусот – да се откажат сите патувања и екскурзии на учениците во Италија

Владата донесе повеќе заклучоци и препораки за превенција и заштита на јавното здравје и здравјето на граѓаните од коронавирусот. Како...

Регион17 часа

Во Хрватска потврден првиот случај на коронавирус

Потврден еден случај на заразен со коронавирус во Хрватска. „Се работи за помлад човек, кој се наоѓа на Клиниката за...

Македонија19 часа

Маж варел кафе на плин и го предизвикал пожарот во Ново Лисиче

Од запалениот стан во Ново Лисиче пожарникарите извлекле петмина, меѓу кои една неподвижна жена и маж, кој од стресот не...

Актуелно20 часа

Режисерите на „Медена земја“ подготвуваат нови филмови

Тамара Котевска и Љубомир Стефанов, македонските режисери на документарниот филм со двојна номинација за Оскар „Медена земја“, се подготвуваат за...

Македонија20 часа

(Видео) Милошоски ја предаде „бомбата” за Заев во Обвинителствотo

„Она што го поседувавав како материјал, аудио и транскрипти во кои се слуша гласот на Зоран Заев, го предадов во...

Регион20 часа

Двајца Срби, членови на екипажот на крузерот, имаат коронавирус

Двајца државјани на Србија, членови на екипажот на бродот „Дајмонд принцес“, е потврдено дека се заразени со коронавирусот. Информацијата ја...

Македонија22 часа

ВМРО-ДПМНЕ ќе протестира пред Обвинителството и Врховниот суд

Лидерот на ВМРО-ДПМНЕ, Христијан Мицкоски, повика на протест во 18 часот, кој ќе почне пред Обвинителството, а ќе заврши пред...

Спорт22 часа

Џордан во солзи се прости од Коби Брајант (Видео)

Кошаркарската легенда Мајкл Џордан се прости од Коби Брајант, кој на 26 јануари заедно со својата ќерка Џијана и уште...

Македонија22 часа

Тестовите потврдија – нема заразен од коронавирус во земјава

Лицето кое синоќа беше примено на Инфективната клиника во Скопје е тестирано и нема коронавирус, потврдија од Министерството за здравство....

Свет22 часа

Почна процесот за екстрадиција на Асанж во САД

Првото рочиште во процесот на екстрадиција на Џулијан Асанж во САД се одржа пред судот во Лондон, при што двете...

Свет1 ден

Паника од коронавирусот, Италијанците ги испразнија супермаркетите

Во напад на паника поради коронавирусот Италијанците ги испразнија супермаркетите, а фотографиите на празни полици што ги објавија медиумите се...

Спорт1 ден

Ванеса Брајант ја тужи хеликоптерската компанија за трагичната несреќа

Ванеса Брајант поднела тужба против хеликоптерската компанија „Ајланд експрес хеликоптерс“ барајќи економска и казнена отштета по смртта на нејзиниот сопруг,...

Свет1 ден

Вајнштајн прогласен за виновен за сексуални напади

Поранешниот филмски продуцент Харви Вајнштајн е прогласен за виновен за две точки од обвиненијата за сексуален напад. Според Би-би-си, тој...

Македонија1 ден

Поради ужасните услови за живеење во Битола, Лука се враќа во Скопската зоолошка градина

Социјалните мрежи денеска беа преплавени од фотографии од тажното мајмунче Лука, сместено во валкан кафез во битолската Зоолошка градина, без...

Свет2 дена

Автомобил удри во карневалска поворка – 15 лица повредени во Германија

Полицијата уапси возач кој со сребрен караван се забил во карневалска поворка во Германија, пpи што се повредени 15 лица....

Европа2 дена

Бројот на починати од коронавирус во Италија се зголеми на седум лица

Во Италија почина и седмото лице од коронавирус. Станува збор за 80-годишен маж, кој претходно бил хоспитализиран, пренесоа локалните медиуми....

Македонија2 дена

Филипче апелира граѓаните да ги откажат патувањата во Италија

По петте смртни случаи од коронавирус во Италија, министерот за здравство, Венко Филипче, апелира граѓаните да ги одложат сите патувања...

Досие