Кумановското средно училиште „Перо Наков“ ќе добие нова училишна спортска сала

Училишната спортска сала во Средното училиште „Перо Наков“ во Куманово е дел од проектот изградба и опремување на 145 училишни спортски сали во средните и основните училишта во Р.М. До сега во Средните училишта се завршани 25 училишни спортски сали, салата во ПСОУ Перо Наков е во фаза на иградба, велат од Министерството за образование.

„Училишната спортска сала во ПСОУ Перо Наков во Куманово е Модел 1, односно со површина од 650 м2, и со планирана вредност од 24 000 000,00 денари. Спортската сала ќе биде комплетно опремена со спортска опрема, со гардероби, санитарни јазли и тушеви“, додаваат од МОН.

Целта на изградбата на овие спортски објекти е да се подигне свеста кај учениците и младите дека само преку спортските активности можат ги усовршат вештините на спортот. Изведувачот е воведен во работа на 10.02.2016 година, а со градежни активности се отпочна на 02.12.2016 година, бидејќи во меѓувреме Општина Куманово требаше да го расчисти теренот од постоечкото зеленили, и подземната инсталација. Планирано е оваа спортска сала да биде завршена и предадена во употреба во првата половина на 2018 година./крај/мф