Контакт

Daily news

Луди научни експерименти

Објавено пред

Благодарение на науката и технологијата, денес можеме да го оствариме она што некогаш било незамисливо.

Додека некои луѓе сите благодети на модерниот свет ги користат за да најдат решение за некои важни проблеми, други ги користат за да ги остварат своите необични и луди проекти. Листверс објави листа на некои од најбизарните научни експерименти кои се забележани последните години, пренесува Идекс.

Сирење со човечки бактерии

Еве еден предизвик за гурманите и љубителите на сирење. Дали би пробале сирење кое е зачинето со човечки бактерии? Микробиологот Кристина Агапакис и експертот за мириси Сишел Толас се одговорни за овој рецепт. Тие направиле брисови од разни делови на човечко тело, меѓу другото од нос, папок, ножни прсти и внатрешноста на устата. Пронајдените организми ги додале во свежо млеко и направиле 11 видови на сирење, а секое од нив имало мирис на својот донатор. Проектот под името Селфмејд требало да помогне на луѓето подобро да ги разбираат микробите и да размислат зошто толку се гадиме од нив. – Зошто се чувствуваме непријатно поради бактериите на телото, а бактериите во сирењето не ни се непријатни – прашува Агапакис. Сирењата биле изложени на научната изложба Grow your own: Life After Nature во Даблин.

Лица направени од ДНК

Секогаш кога на улица ќе фрлите догорче од цигара или гума за џвакање, всушност фрлате дел од својата ДНК. Хедер Деви Хедборг тие отпадоци ги носи во биотехнолошката лабораторија Џенспеис во Бруклин. Таму од нив вади секвенци од ДНК и со помош на компјутерска програма одредува некои својства и особини како полот, бојата на косата, димензијата на лицето и дебелината. Со помош на тие податоци, компјутерската програма создава слика на луѓе кои фрлиле догорче или мастика. Лицата не се совршена копија, но Хедер ги опишува како лица кои имаат семејна сличност со лицето чија ДНК ја искористила. Кога ќе ги заврши портретите, ги печати на 3Д печатар.

Човечка петунија

Бразилецот Едуардо Кац е познат по својата трансгенетска уметност, со трудови кои ја менуваат природата и создаваат нови форми на живот. Авторот на контроверзниот проект GFP Bunny во кој од медуза извлекол флуоресцентен протеин и го ставил во ембрион на зајак. Во 2009 година успеал да добие прв биолумисцентен зајак. Истата година го запознал светот со Едуин, роза петунија која имала и човечки дел. Цветот всушност содржел гени од неговото тело. Едуардо со помош на научници извадил своја крв, ја копирал генетската секвенца од својот имунолошки систем и вбризгал свој ген во растението. – Тоа живее. Вистинско е, вистинско како мене и вас. Се разликува само по тоа што не го направила природата, туку јас – изјави Едуардо.

Облека од бактерија

Дизајнерката Сузан Ли е заслужна за линија облека која веројатно нема да се допадне на љубителите на модата. Со помош на милиони микроби во рамки на проектот BiCouture Research, направила линија јакни, маици и чевли. Нејзиниот процес на изработка на облеката почнал со готвење на 30 литри зелен чај во кој додала голема количина на шеќер. Кога чајот ќе се олади во него става мешавина од бактерии и квасец. Како што ферментира течноста така бактериите создаваат нано-влакна на целулоза која на врвот на течноста формира леплива смеса. По неколку недели таа создадена ткаенина Ли ја пере, суши и почнува дизајнирање на облеката. Дизајнерката сонува дека еден ден ќе направи облека која ќе го храни телото и луѓето ќе ги заштитува од болести.

Човек со трето уво

Австралискиот уметник Стеларц сака да го користи своето тело како главен инструмент на своето уметничко изразување. Во 2006 година од неговата кожа конструирале уво и со хируршка постапка го вградиле во неговата лева надлактица. Уметникот се уште не завршил со хируршките зафати на своето трето уво и наскоро има намера да му додаде ушна ресичка. Увото тогаш има намера да го спои со интернет за да може кој било на светот да го слуша она што тој го слуша во одреден момент. Би сакал увото да функционира и како телефон. Ако некој му се јави на телефон тој со лицето би можел да разговара преку третото уво, а гласот на лицето би го слушнал во својата глава, т.е. во устата во која би имал вграден мини звучник.

Жена која сака да роди морско куче и потоа да го изеде

Jапонската уметничка Аи Хасегава се нашла пред дилема. Сакала да роди, но сметала дека на Земјата и така има премногу луѓе. Затоа прво се одлучила да роди делфин, но на крај се одлучила за морско куче. Зошто? – Загрозени се, нивниот животен век е долг речиси како и човечкиот и она најважното, вкусни се – рекла Хасегава. По породувањето, некое време би го чувала морското куче и потоа би го пуштила во дивина за да добие на вкус. Морското куче би имало на себе ГПС направа.

Ако некој го улови, Хасагава би го нашла, би ги купила неговите филети и би го изела своето дете. Хасегава моментално соработува со гинеколози кои треба да ја зголемат нејзината матка и да ја претворат во аквариум. Има намера да создаде генетски модифицирана плацента која нејзиното младенче ќе го чува од антитела. Нејзиниот проект звучи лудо и би резултирал со многу прашања. Дали жена, откако ќе роди животно може да го изеде своето младенче? Хасегава верува дека луѓето не би имале проблеми со тоа, со оглед на тоа дека тоа секојдневно се случува во животинскиот свет.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија24 минути

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија41 минута

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет1 час

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија2 часа

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија3 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија12 часа

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија12 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија18 часа

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет18 часа

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија19 часа

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Македонија19 часа

Станиците Битола 1 и Миладиновци не мерат ПМ10 оти дотраените инструменти биле извор на радијација

Мерните станици се во функција, но дел од инструментите кои ги мерат ПМ10-честичките не работат, велат од Министрството за здрава и...

Македонија20 часа

Драма во Струмица: Роднини насилно го однеле телото на починат пациент, заедно со болничкиот кревет

Роднини и пријатели на пациент кој починал во струмичката болница насилно го зеле телото сосе болничкиот кревет и преку оградата...

Економија21 час

Наместо карго-аеродром во Штип, ќе се градат училишта, водовод и канализации, соопшти Бектеши

Министерството за економија лани направило измени на Законот за јавно приватно партнерство со кој се отвора можноста средствата предвидени во...

Македонија22 часа

Од Германија екстрадиран Јетон Љужа, обвинет за убиството на Саздо

Третообвинетиот Јетон Љужа во случајот за убиството на Никола Саздовски-Саздо денеска бил екстрадиран од Германија, соопшти МВР. „Денеска од Германија...

Европа24 часа

Две волонтерки претрпеле невролошки проблеми по примањето на оксфордската вакцина

Две лица се разболеле за време на испитувањето на вакцината против коронавирусот на компанијата „Астра Зенека“ во Велика Британија, откриваат...

Економија24 часа

Сојузот на стопански комори предложи 25 мерки за економски спас

Сојузот на стопански комори на Македонија минатата недела достави 25 мерки за економски спас, кои очекува Владата да ги усвои...

Македонија1 ден

Приведено лицето кое нападна лекар на токсикологија, Филипче го осуди инцидентот

Приведено е лицето кое вчера го нападна дежурниот лекар на Клиниката за токсикологија, бидејќи го препратил неговото малолетно дете на...

Свет1 ден

Гутереш: Ширете го мирот за да се борите со коронавирусот

Генералниот секретар на ОН, Антонио Гутереш, во своето годишно обраќање во Генералното собрание на светската организација истакна дека повторно ќе...

Македонија1 ден

Денеска ќе се одлучува дали ќе има дневен престој во училиштата

Комисијата за заразни болести денеска на состанок ќе расправа за воведување целодневен престој во училиштата. Директорот на Здравствен дом Скопје,...

Свет2 дена

САД постигнаа нов рекорд со повеќе од еден милион тестови дневно

САД поставија нов рекорд со повеќе од милион тестови за коронавирус за еден ден, но експертите велат дека им требаат...

Досие