Министерството за здравство подготвено за УЕФА Суперкупот во Скопје

Клиниката за токсикологија во пресрет на УЕФА Суперкупот обезбеди двојни екипи за дежурање во наредните 48 часа, како и дополнителни екипи на повик, соопшти Министерството за здравство.

Со цел поуспешна евентуална здравствена помош на гостите, од Министерството апелираат и потсетуваат граѓаните на Скопје да ги користат услугите на Ургентниот центар во Градската општа болница „8 Септември“ како најблиска установа каде што може да ги добијат неопходните здравствени услуги.

Исто така, и во рамките на Службата за итна медицинска помош при Здравствениот дом Скопје, како што се наведува, обезбедени се дополнителни екипи, а возила на Итната медицинска помош ќе бидат присутни и на плоштадот Македонија каде што ќе се одвива централниот пренос.

Од Министерството за здравство посочуваат дека упатиле укажување до сите јавни здравствени установи за повисок степен на подготвеност, односно да обезбедат доволно тимови за евентуално зголемување на бројот на пациенти.