Контакт

Daily news

Најдобри и најумни

Објавено пред

Само неколку земји ги учат децата како да размислуваат

(Осврт на книгата „Најумните деца на светот: И како станале такви“ од Аманда Рипли)

Компанијата Бама произведува пити и бисквити во Оклахома уште од 20-ите години од минатиот век. Но компанијата се мачи да пронајде вешти „окиња“ (интерен сленг за работници) кои ќе ги исполнат дури и најосновните работни места во фабриката. Таквите позиции бараат од работниците критички да размислуваат, но сепак матурантите од локалните училиша често не знаат да читаат или пак ниту проста математика. Токму затоа компанијата неодамна реши да отвори нова фабрика во Полска – нивна прва во Европа. „Слушнавме дека таму има многу образовани луѓе“, објаснува Пола Маршал, шефот на Бама.

Полска успеа да изведе драматични успеси во образованието во минатата деценија. Пред 2000-та, половина од руралното возрасно население завршиле само осново училиште. Сепак сега меѓународното рангирање ги става учениците во Полска далеку пред нивните американски врсници во науки и математика (кои се најсилните предвесници на заработувачка во иднина), иако земјата троши далеку помалку по глава на ученик. Што се прави исправно во Полска? А каде Америка греши? Американската новинарка Аманда Рипли бара одговори на овие и други прашања во книгата „Најумните деца на светот“, нејзината нова убава книга во врска со училиштата низ светот.

Иако слабите резултати во американското образование се изложени во посебна глава во оваа книга, земјата не е осамена во неуспехот да ги научи своите деца како критички да размислуваат. Најмалку ова е ставот на Андреас Шлејхер, „научник за образование“, од познатата Програма за оценување на меѓународните студенти, или тестот Писа. Ако со поголемиот број на тестови се оценува вештината на ученицте да помнат материјали, овој тест има за цел да ја оценува нивната ефикасност во решавање на проблемите. Од 2000 година, ова било применето во кај милиони тинејџери во повеќе од 40 земји, и со изненадвачки резултати. Учениците во Финска, Јужна Кореја, Јапонија и Канада постојано добивале највисоки оценки за разлика од нивните врсници во Германија, Британија, Америка или Франција. Вообичаеното објаснување за овие постигнувања, како што се богатството, привилегиите или расите, не се користи.

За да разбереме што се случува во овие училници, Рипли следи три американски тинејџери кои поминале по една година преку размена на ученици во Финска, Полска и во Јужна Кореја. Нивните широкогледи искуства предизвикуваат за понатамиошно читање на оваа книга. Во секоја земја, Американците се водушевени колку напорно работат нивните врсници, и колку сериозно ги сфаќаат обврските за учење. Часовите таму по математика се пософостицирани, со лекции кои често покажуваат фасцинантни примери како геометријата, тригонометријата и сметањето функционираат заедно во реалниот свет. Учениците не користат дигитрони и учат како да пресметуваат во своите глави. Училниците се едноставни и ослободени од високотехнолошки направи, кои децата и така ги имаат дома. А наставниците по секој предмет го изложуваат авторитетот на професионализам, кој високо се цени.

Рипли му ја препишува заслугата на пресвртот во Полска на Мирослав Хандке, поранешниот министер за образоцание. Кога дошол на оваа позиција во 1997, полската економија била во пораст, но Пољаците изгледа биле судбински наклонети кон работни места каде се бараат помалку вештини, за разлика од тоа што го сакале Европјаните. Затоа тој започнал со сега веќе епската програма за школски реформи, со нова клучна наставна програма и со стандардизирани тестови. Сепак неговата најефикасна промена била и неговата најпосакувана: тој го очекувал најдобриот успех од сите негови ученици. Решил да ги задржи сите полски деца во исто училиште до нивната 16 година, одложувајќи го мигот кога некои би се одлучиле за стручни води. Издигнувањето на Полска во рангирањето на Писа е воглавно резултат на високите оценки од овие наводно неакадемски образовани деца.

Ова е лекцијата која Рипли ја наведува во нејзината прошетка по „земјите со умни деца“. Децата жнеат успеси во училниците каде и се очекува да ги остваруваат. Школите работат најдобро кога имаат јасна мисија: тоа се места кои ќе им помогнат на учениците да го усовршат комплексниот академски материјал (а не места посветени на лично усовршување во спортови, додава таа зајадливо). Кога наставниците бараат упорна работа, ученциите често се издигнуваат над очекувањата, а следењето на учениците на различни когнитивни нивоа е стремеж да „се намали учењето и да се засили неднаквоста“ Ниските очекувања често лошо се наградуваат.

Во Хелсинки, Рипли посетила училиште во посиромашнен дел од градот, каде училниците се преполни со бегалци и емигранти. „Не сакам толку да мислам за нивното потекло“, вели наставник кој е загрижен дозволувањето и сочувството да не ја засенат неговата проценка за работата на неговите ученици. „Вашиот мозок е она што се оценува“, вели тој. Таа се водушевена колку е освежувачка оваа теза, кога ќе се спореди со онаа на наставниците во Америка, каде академскиот медиокритет често е заснован на потеклото или маалата од каде доаѓаат децата. И таа ламентира на „перверзниот вид на сожалување“ кој ги спречува американските наставници да не создаваат лоши ученици, најмалку затоа што ова постапка ги поттикнува овие млади подоцна да паднат на уште полошо ниво.

Но, не е секоја приказна за академскиот успех среќна. Во Јужна Кореја, Рипли открива „култура на образовен мазохизам“, каде учениците учат сето време со надеж дека ќе си обезбедат вредно место на едно од трите престижни универзитети во земјата. Земјата можеби има едни од највисоките оценки за матура на светот, но децата таму изгледаат мизерно. Во таквата ситуација, Јужна Кореја дава добри примери колку брзо земјата може да ја промени својата судбина. Воглавно неписмени во 50-ите, Јужнокорејците сега се пример за „екстремна меритократија“.

Американските училници не минуваат добро во оваа книга. Против овие примери за академски успеси, скапите грешки на државата изгледаат уште поналудничаво. На пример, за разлика од училиштата во Финска, која насочува повеќе ресурси кон оние деца на кои најмногу им е потребно, Америка ги финансира своите училишта преку даноци на имоти, со што овозможува социјално најхендикепираните ученици да бидат спакувани сите заедно во најлошите училишта.

Рипли нуди возбудлива количина на согледувања во оваа мала книга. Таа забележува дека Финска, Полска и Јужна Кореја, сите доживеле моменти на кризи – и економски и егзистенцијални – пред да се сталожат и да ги сменат своите приказни. Таа ја наведува последната ранг листа на Светскиот економски форум за глобална конкурентност, која ја става Америка на седмо место, со што се одбележува пад за земјата трета година по ред. Во меѓувреме Финска, таа мала оддалечена нордиска земја со малку ресурси, стабилно се искачува по оваа скала и сега комотно седи на третото место.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија14 минути

Владата даде согласност – во 169 училишта може да има настава со физичко присуство

Владата на својата 5-та седница, одржана на 22 септември, го усвои и Извештајот за работата на Комисијата за разгледување на...

Македонија57 минути

(Видео) Пендаровски: Овој вител на кризи и закани генерира страв, потребна е солидарност меѓу државите

„Чест ми што имам можност првпат да се обратам од името на Република Северна Македонија на овој глобален форум, кој...

Македонија2 часа

Нови 183 заболени и петмина починати од Ковид-19 во земјава

Министерството за здравство информира дека во последните 24 часа се направени 1.769 тестирања, а регистрирани се 183 нови случаи на...

Македонија2 часа

Спотовите на ВМРО-ДПМНЕ со ликот на Русковска предизвикале болка и анксиозност кај обвинителката

Изборните спотови со ликот на Вилма Русковска кои се емитуваа по нарачка на ВМРО-ДПМНЕ предизвикале душевна болка и анксиозност кај...

Регион3 часа

Трите коалиции го поддржаа Кривокапиќ за мандатар на новата влада во Црна Гора

Здравко Кривокапиќ ќе биде мандатар за состав на новата влада во Црна Гора, одлучија пратениците на трите коалиции, пренесуваат црногорските...

Македонија3 часа

Бошковски од Инфективна: „Состојбата ми е подобра, се чувствувам одлично“

Состојбата ми е подобра, се чувствувам одлично, вели лидерот на партијата Обединети за Македонија, Љубе Бошковски, по информацијата дека синоќа...

Македонија4 часа

Поради несослушани сведоци, одбиени докази и толкувани снимки, Миланов смета дека Јанакиески е жртва во „Насилство во Центар“

Ако се суди според казнената политиката не би требало да има ништо повеќе од условни казни, а Миле Јанакиески е...

Свет4 часа

Путин: Во Русија наскоро ќе биде регистрирана уште една вакцина против коронавирус

Рускиот претседател Владимир Путин изјави дека наскоро ќе биде регистрирана втората руска вакцина против коронавирусот. „Наскоро ќе биде регистрирана друга...

Македонија4 часа

Извештај на ИЈЗ: Пораст на бројот на новозаразени и починати за една недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија5 часа

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија5 часа

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа6 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа7 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет7 часа

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија8 часа

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Македонија8 часа

Заев со писмо до Вартоломеј побара писмена одлука за автокефална Македонска православна црква

Премиерот Зоран Заев испратил писмо до патријархот Вартоломеј, поглавар на Цариградската патријаршија, во кое се навраќа на средбата во Истанбул...

Македонија21 час

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија22 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија22 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет24 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Досие