На џез-фестивалот во Тајланд, Четкар свиреше за починатиот тајландски крал

Македонскиот џез-гитарист Владимир Четкар настапи на најпознатиот џез-фестивал во Тајланд, „Хуа Хин“. На сцената, Четкар настапи со популарниот тајландски бенд „Фанкшн“. Тој пред публиката се претстави со авторска музика, а отсвири и една композиција од неодамна починатиот крал на Тајланд, Бумибол Адулиаде, кој бил мултиинструменталист и страстен вљубеник во џез-музиката.

Четкар бил  најавен како еден од главните артисти, а  за неговото гостување и настап на големо пишуваа и тамошните медиуми.

Четкар на турнејата во Тајланд, покрај настапот на фестивалот „Хуа Хин“, ќе одржи и концерти во Бангкок.