Daily news
Нухиу: Македонија во континуитет е изложена на асиметрични закани кои може да доведат до тероризам
Македонија во континуитет е изложена на асиметрични закани кои произлегуваат од зачестеното манифестирање на етничка нетрпеливост, верска нетолеранција и екстремизам, кои создаваат погодно тло за радикализација која може да доведе до тероризам.
Ова во петок го изјави министерот за внатрешни работи Агим Нухиу, кој учествува на Конференцијата на министри за внатрешни и надворешни работи во рамки на Салцбуршкиот Форум, што се одржува во Парламентот во Сараево, Босна и Херцеговина.
„Имајќи го предвид бројот на бегалци/мигранти кои престојуваат на територијата на Турција и Грција, постои реален ризик од повторно создавање на бегалски бран во 2017 година. Тргнувајќи од искуствата со мигрантската криза од 2015 година, при реализација на вакво сценарио, Република Македонија би била една од најпогодените држави на т.н „Балканска рута“. Ефикасната превенција и сузбивање на појавните облици на овие феномени подразбира координирана регионална соработка и постојана надградба на нормативните и институционални капацитети, како и градење на заедничка безбедносна стратегија за справување со предизвиците“, рече Нухиу. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
