Контакт

Daily news

Патувачкото кино на „Македокс“ во Девич, Црешнево и во Локвица

Објавено пред

Недопрена природна убавина, тесни патчиња и стрмни планински сртови над кои се простира бескрајно ѕвездено небо се секојдневниот амбиент на проекциите на патувачкото кино на „Македокс“ во областа Порече. Поголемиот дел од проекциите веќе е остварен, а во претходните денови екипата на патувачкото кино имаше средби со едноставни и скромни луѓе со чист планински дух во селата Девич, Црешнево и во Локвица.

Дружењето со мештаните во Девич почна уште во пладневните часови. Во трпезаријата на селската црква „Свети Ѓорѓија“ беше подготвен заеднички ручек на мештаните и екипата на патувачкото кино. Покрај трпезата, се отворија и приказните поврзани со селото, неговиот историјат од времето на Марко Крале и неговите четири посестрими, од кои едната се викала Дева. Оттаму името на селото во кое денес живеат 60-ина жители. Тони Стојковски открива дека мештаните отсекогаш имале урбани манири, а кога ергените од Девич ќе се појавеле во Македонски Брод, таму велеле: „Еве ги девичките калапи“, бидејќи биле лични и дотерани, спастрени како да се излеани со калап.

Јово Ристески открива дека селото е сместено под ридовите Попец и Лештишта, а високо над хоризонтот се издига планината Песјак. Поранешните фудбалери Лука Стојкоски и Југослав Јакимоски и ден-денес се гордеат на шампионската титула која пред 30-40 години ја освоило селото Девич во регионалната лига во Порече. Проекцијата на патувачкото кино ги собра сите жители сретсело, нешто што не се случило повеќе од 30 години во Девич.

Уште едно село со долга историја, чист и питом планински дух на мештаните, е Црешнево. Екипата на „Македокс“ имаше неверојатно топол пречек во селото со аплаузи кога беше наместено платното и кога заврши проекцијата. Мештаните веќе знаеја која вечер ќе има проекција и најсрдечно се понудија да помогнат во поставувањето на конструкцијата за платното. Сместено точно на средината помеѓу долното и горното маало, зад платното се простираше прекрасен пејзаж со повеќе слоеви планински сртови. На североисточната страна, пак, се наѕираше Даутица, оддалеку проекцијата ја гледаше Старецот (стрмна и висока карпа), а високо над него погледот допира до Борополе. Специјално за проекцијата на „Македокс“ беа дојдени луѓе од Македонски Брод, а кои се со потекло од Црешнево.

Високо во планината над пештерата Пешна е сместено селото Локвица. Сите патчиња во областа имаат исти карактеристики. Тесни се и стрмни и се искачуваат до планинска висорамнина под која лежи селото. Таков е и случајот со Локвица, кое е едно од ретките во областа во кое има неколку чешми во средината на селото. Има 30-ина постојани жители, но за проекцијата на патувачкото кино беа дојдени и луѓе по потекло од Локвица, а кои живеат во Скопје.

Проекцијата се одржа во дворот на селската црква „Свети Димитрија“. Програмата на патувачкото кино на проекциите во селата во Порече има три сегменти: видеохроники од претходните години, програма за деца и еден долгометражен документарен филм од фестивалската селекција на „Македокс“. На проекцијата во Локвица дојдоа и луѓе од Скопје поради еден несекојдневен настан што се случи по проекцијата на филмовите.

Со наслов „Ноќ под ѕвездите“, на местото наречено Преслап, на патот кон селото Локвица, се одржа солистички акустичен концерт со органска авторска музика на Бојан Петков – Шамба. Тоа беше уникатна можност погледот да се задлабочи во бескрајното ѕвездено небо, да се бројат метеори и да се ужива во звуците на акустичната музика на Шамба.

Првпат во рамките на патувачкото кино беше вклучена работилницата за креативен документарен филм „Докуникулци“, на која во Порече присуствуваа 10 млади филмофили на возраст од 15 до 18 години од Скопје, Прилеп и од Битола. Во рамките на првата сесија на работилницата, со која раководат Петра Селишкар и Бранд Феро, а ментори за продукција се Бранко Аврамовски и Горјан Атанасов, младите учесници се запознаа меѓу себе, ги дознаа основите на документарниот филм, гледаа повеќе креативни документарни филмови, а на пичинг-сесијата беа претставени 10 теми за снимање документарен филм од кои со гласање беа избрани три на кои ќе се работи во следната фаза. При заминувањето на ’докуникулците‘ од Порече, на разделбата со екипата на патувачкото кино имаше многу емоции и по некоја солза.

Втората сесија на „Докуникулци“ ќе се случи за време на фестивалот „Македокс“ во август, а завршната сесија со снимање на три кратки документарни филма ќе биде реализирана наесен во Скопје. Работилницата се реализира со поддршка од Националната фондација за демократија од Вашингтон.

Поради силно невреме и обилни врнежи од дожд, проекцијата во селото Требино, планирана за 20 јули, беше откажана.

До крајот на патувачкото кино екипата на „Македокс“ ќе има проекции на документарни филмови во селото Косово (24 јули) и во селото Манастирец (25 јули), каде што во објектот на основното училиште „Свети Климент Охридски“ е сместена екипата на патувачкото кино. Осмото издание на патувачкото кино на „Македокс“ е поддржано од Агенцијата за филм на Република Македонија.

Медиумски покровители на патувачкото кино се Првиот програмски сервис на МТВ, телевизијата „24“, „Телма“, „Нова Македонија“, „Слободен печат“, Радио Антена 5, Радио Бубамара, „Канал 103“, „Џез ФМ“, Радио МОФ, „Плус инфо“, „Окно“, „Нова ТВ-веб“, „А1 он“, „Плагиј.ат“, „Е-магазин“, „Репер“, „Лице в лице“, „Его“, „Калимеро“, „Бла-бла ТВ“, „Пиреј.мк“, „Реборн“, „Види вака“, „ОФФ.нет“ и „МКД.мк“.

Осмото издание на Фестивалот на креативен документарен филм „Македокс“ ќе се одржи од 19 до 25 август 2017 година во Скопје.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 часа

(Видео) Центар официјално ќе одбие стотина барања за градење по одлуката на Уставен суд

Во исчекување на објавата на одлуката на Уставен суд за укинување на мораториумот за градење во период од 30 дена,...

Топ4 часа

20-те закони што Иванов ги врати во Собранието пратениците повторно ќе ги гласаат

Претседателот Ѓорге Иванов до Собранието врати уште пет закони, со што вкупниот број укази на закони што шефот на државата...

Македонија4 часа

(Видео) УЈП сè уште го истражува имотот на верските заедници

Сè уште не е завршена постапката што ја отвори Управата за јавни приходи за имотот, парите и даноците на верските...

Македонија5 часа

Мијалков: Контактите и имотот во странство ги имав и досега, не помислувам да бегам

Мојот имот во странство, престој во Чешка и наводните мои контакти ги имав и порано и сега. Под истите околности...

Македонија5 часа

ИВЗ: Нема компромис за џамијата во Охрид, ние ќе градиме

Реставрацијата на Алипашината џамија во Охрид и изградбата на 32-метарското минаре за Исламската верска заедница е завршена работа. Градежните работи...

Македонија6 часа

(Видео) Најбогатиот Македонец заработил 3,5 милиони евра

Најбогатиот Македонец во 2017 е скопјанец, кој остварил 212 милиони денари, пријавени како бруто-приход. Зад него следува друг скопјенец, кој остварил приближно...

Македонија8 часа

„Фејсбук“: Избришани над 2.000 лажни профили од Северна Македонија, Косово, Иран и од Русија

Компанијата „Фејсбук“ соопшти дека отстранила повеќе лажни профили од Северна Македонија, Косово, Иран и од Русија за кои навела дека...

Топ9 часа

Автомобил удри во шестгодишно дете од Кумановско

Вчера, во селото Опае, општина Липково, патничко возило со кумановски регистарски ознаки, управувано од Ф.Ф. (24) од село Лопате, Кумановско,...

Топ9 часа

Обвинителството гони две лица и инспектор поради сечење трска во Струга

Основното јавно обвинителство од Струга поведе постапка против две лица и инспектор од Министерството за животна средина поради сечење на...

Економија10 часа

Акционерите од „Топлификација“: Поради лажниот стечај, оштетени сме за повеќе од 34 милиони евра

Акционерите од „Топлификација“ испратија отворено писмо до претседателот на Владата, Зоран Заев, и други институции во државата. Во писмото тие информираат...

Македонија12 часа

Aпелација ќе одлучува за притворот на Сашо Мијалков

Апелациониот суд денеска ќе одлучува за жалбата на адвокатите на ексдиректорот на УБК, Сашо Мијалков, за мерката притвор, која му...

Македонија1 ден

Спасовски за инцидентот во Марино: Секој ќе одговара за направеното, нема кој да влијае врз истрагата

Министерот за внатрешни работи, Оливер Спасовски, го осуди насилството во дискотеката во Марино каде со нож беше избоден полицаец и...

Свет1 ден

Трамп ја призна Голанската Висорамнина како територија на Израел

Претседателот на САД, Доналд Трамп, потпиша декрет со кој официјално го призна израелскиот суверенитет над Голанската Висорамнина, која Израел ја...

Македонија1 ден

Министерството за правда ги чека амандманите од ВМРО-ДПМНЕ за законот за јавното обвинителство

Министерството за правда ги очекува амандманите од страна на ВМРО-ДПМНЕ за предлог-законот за Јавното обвинителство. Од Министерството се надеваат на...

Топ1 ден

Каменуван воз на влезот во Тетово

Вчера на железничката станица на влезот од Тетово непознато лице го каменувало патничкиот воз што сообраќал на релација Скопје –...

Македонија1 ден

(Видео) Децата без родители до Царовска: Државата, наместо да ни биде мајка, таа нè брка надвор

До кога децата без родители ќе завршуваат на улица, а ќе се удирате в гради дека има закони и дека...

Топ1 ден

Мицкоски се сретна со пратениците исклучени од ВМРО-ДПМНЕ

Претседателот на ВМРО-ДПМНЕ, Христијан Мицкоски, денеска, во Собранието, се сретна со осумте пратеници од независната пратеничка група на ВМРО-ДПМНЕ и...

Македонија1 ден

(Видео) Власта со Беса и Алијансата ќе обезбедува мнозинство за СЈО

Фадил Зендели од Беса денеска информира дека биле повикани на работна средба за СЈО, но до власта порача дека тие...

Македонија1 ден

14,5 илјади евра отштета за клевета и навреда бара Фрчкоски од Стојан Андов

Во решението на скопскиот Граѓански суд за привремената мерка забрана за продажба на книгата на Стојан Андов „До атентатот и...

Свет1 ден

(Видео) Шпанскиот крал заглави во авионот за време на посетата на Аргентина

Посетата на добра волја на Аргентина од страна на шпанскиот кралот Фелипе Шести имаше урнебесен почеток кога кралот и неговата сопруга, кралицата...

Досие