Поплавите однеле над 300 животи во Колумбија

Претседателот на Колумбија, Хуан Мануел Сантос, соопшти дека бројот на загинати лица во поплавите и во свлечиштата настанати во земјата се зголемил на 370. Сантос по состанокот на Националниот комитет за справување со ризици одржан во градот Кали, даде изјава за медиумите во врска со природните катастрофи настанати во текот на дождовната сезона.

Сантос истакна дека со првата дождовна сезона во земјата дошло до поплави, излевање на реки и свлечишта во 192 градови. Тој пренесе дека во овие катастрофи животот го загубиле вкупно 370 лица, додека 76 лица сѐ уште се водат како исчезнати.

Укажувајќи дека следната недела се очекуваат поројни дождови, Сантос упати апел до надлежните да бидат повнимателни и да ги преземет потребните мерки. Врнежите од дожд кои започнаа на 31 март во Мокоа, главен град на колумбиската административна област Путумајо, предизвикаа излевање на реките Мулато, Сангојако и Мокоа.крај/мф