Контакт

Daily news

Продолжи седницата во Собранието – Протестите, празниците и платформата моментална топ тема

Објавено пред

На дванаесеттата седницата на Собранието, продолжува расправата за избор на претседател на Собранието на Република Македонија и Избор на комисија за избори и именување.

Истата започна по половина час доцнење од најавениот почеток во 12 часот. Откако претседавачот Трајко Вељановски на говорницата го повика пратеникот на СДСМ, Оливер Спасовски, а тој не беше присутен, дебатата ја отвори Димитар Стојананџија од ВМРО-ДПМНЕ. Тој го повика Заев да се откаже од тиранската платформа.

„Македонската јавност чека една реченица да биде изговорена, еден одлучен став. Една реченица која ќе ја нормализира состојбата во Македонија. Една реченица која ја посакуваат пензионерите. Таа реченица треба да ја изговори лидерот на опозицијата, Зоран Заев. Реченицата гласи „Ја отфрламе Тиранската платформа бидејќи нема да и служи на Македонија“. Има уште две реченици, „СДС да направи влада со сто пратеници“. Како резултат на ова што го говорам, е ситуацијата која ја имаме во овие 45 дена, ситуација која ги изненади сценаристите на Република Македонија, а тоа се протестите. Апелирам посебно до оние кои ја добија довербата а не го кажаа тоа, да покажат државност. Граѓаните сакаат манифест, не сакаат платформа“, вели Димитар Стојананџија.

На говорот на Стојананџија, прв за реплика се јави Влатко Ѓорчев, исто од партијата ВМРО-ДПМНЕ.

„Мојата е реплика е во она што се нарекува политички легитимитет. Кога доаѓа нова влада во Република Македонија, таа има поддршка од јавноста. Како и секоја влада ќе се соочи со поголеми проблеми и во тие две три години се случуваат многу работи. Ќе се навратам во 2002, каде СДСМ каде имаше 61 пратеник. Нас ни требаа три години да се израмниме со СДСМ во рејтингот, но не беше лесно. Се случи Законот за територијална поделба. На СДСМ во периодот 2006-2016, им требаше многу време тоа да се случи. Оваа влада во најава од прв ден е делегитимирана од граѓаните на Македонија. Оваа влада од прв ден има 200 илјади луѓе на улиците. Не е тајна дека СДСМ имаше повеќе гласачи во Карпош, Центар и Аеродром, но во еден куп други места отпорот кон оваа влада е голем“, вели Ѓорчев.

Откако Ѓорчев го кажа својот став со искористување на своето право на реплика, Милошовски го зема местото на говорницата.

„Разликата денес, за разлика од денот на изборите е тоа што за време на изборите даваа доверба заради различни проекти или угледот на пратеникот. Разликата е што денес сите кои гласале различно се сплотени. Не може поради еден политичар, кој има некакви проблеми со судот, да и биде судено на Македонија. Ние сме тука како граѓани на оваа земја, еднакви со оние кои протестираат, затоа што имаат причина и повод по изборите да се чувствуваат изневерени. Овие денови треба да бидеме достојни на нашата задача и да не долеваме масло на огнот и да го почитуваме гласот на народот“, вели Милошовски.

Зоран Илиовски праша дали е прифатено рушење на уставниот поредок, двојазичност на целата територија на Македонија и според него, најважното прашање, како планира да го реши името на Македонија и дали тоа ќе биде по грчки терк.

„Неспокојот на граѓаните го изразуваат на улиците, низ сите градови и населени места во Македонија. СДСМ на чело со нивниот лидер, сакаат на мала врата, со уставни решенија да ја редефинираат Македонија“, вели Зоран Илијоски од ВМРО-ДПМНЕ.

Илија Димовски од говорницата, посочи дека работите не може да се кријат под маса.

„Ние во Собрание веќе трета недела зборуваме за платформа, декларација или како и да е. Надвор од Собрание се најавија три нови странски инвестиции, од кои една во Скопје, една во Струмица и третата во населено место Желино, каде 80% се Албанци. Треба да имаме платформи за пензионерите и младите, но наместо тоа, добиваме намера на редефинирање на Република Македонија.“, вели Димовски.

Пратеникот Крсто Мукоски од ВМРО-ДПМНЕ им укажа на пратениците од СДСМ дека завршило времето кога работите можат да се подметнат на мала врата.

„Живееме во претпразничка недела, но граѓаните од православна вероисповед, ве молам да не правиме работи кои предизвикуваат тензии. Ги молам сите пратеници, посебно оние од албанските партии, да ја следат целата ситуација и да понудат решенија за на крајот од денот да го видиме светлото на тунелот. Тврдо удирање во ѕид, никаде не ја води Македонија“, вели Мукоски

По низата реплики и контра-реплики, пратениот на СДСМ, Павле Богоевски им посочи на колегите пратеници дека денес се навршува една година од почетокот на „Шарената револуција“

„Повеќе од 10 дена го гледаме вашиот циркус, како го сквернавите она што за нас беше граѓанска свест. Денес е една година од најголемите граѓанско будење. Тоа беше спојување на партии и непартиски граѓани. Благодарение на „Шарена Револуција“, Груевски и останатите лица не се аболицирани и сте обвинети лица. Прво се криевте зад претседателот Иванов, сега зад Вељановски. Нè нарекувате насилници и криминалци, дека сме уништувале и сквернавеле споменици, но да почекаме прво да излезе на виделина вистината за проектот „Скопје 2014“. „Шарената револуција“ направи многу! Јас ќе бидам „шарен“ долго откако ќе бидам пратеник“, вели Павле Богоевски.

Вељановски му реплицираше на Богоевски, дека „Шарената револуција“ двапати го има оштетено Законодавниот дом, а истата се плаќала од џебот на граѓаните. По овие излагања, претседавачот Вељановски даде петнаесет минути пауза за пратениците. /крај/мф/кл

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 часа

Заев од Брисел: Го очекуваме тоа што ни е ветено

Премиерот Зоран Заев допатува во Брисел, каде што вечерва, по покана на потпретседателот на Европската комисија и висок претставник за...

Македонија2 часа

Полицискиот час останува во сила до 1 јуни, одлучи Владата

На денешната седница, по препорака на Комисијата за заразни болести, Владата донесе заклучок активните мерки за ограничување на движењето, наместо...

Свет3 часа

Нетанјаху најави уште поостра реакција во следните неколку дена

Израелскиот премиер Бенјамин Нетанјаху денеска изјави дека земјата ќе го засили својот одговор на ракетните напади во следните неколку дена....

Свет6 часа

(Видео) Највисокиот облакодер во Кина почна да се ниша, луѓето во паника бегаа, причината непозната

Еден од највисоките облакодери во Кина беше евакуиран кога почна да се ниша, а луѓето во паника бегаа на сигурно...

Македонија6 часа

Регистрирани 83 нови случаи на Ковид-19, починати се 2 лица

Министерството за здравство информира дека во последните 24 часа се направени 2.704 тестирања, а регистрирани се 83 нови случаи на...

Македонија9 часа

Дипломат од руската амбасада во Македонија прогласен за непожелна личност

Министерството за надворешни работи одлучи да прогласи еден дипломат од руската амбасада за непожелна личност и тој треба да ја...

Македонија10 часа

Џамбаски го критикува хрватскиот претседател поради Македонија: „Тој зазема страна во спорот, ова е антибугарска кампања“

Бугарскиот европратеник Ангел Џамбаски остро го критикуваше хрватскиот претседател Зоран Милановиќ, кој, како што рече, ја обвини Софија за мешање...

Топ11 час

Тешка сообраќајна несреќа синоќа во Скопје, неколку лица завршија во болница

Синоќа во 23:50 часот, десетина минути пред почетокот на полицискиот час, во Скопје се случила тешка сообраќајна несреќа на  крстосницата кај...

Македонија12 часа

Пристигна нова пратка од 9.360 дози вакцини на „Фајзер“

Министерството за здравство соопшти дека вчера во нашата земја стигнаа 9.360 дози вакцини од производителот „Фајзер“. „Од нив 4.680 се...

Свет12 часа

(Видео) Израел го гранатираше Либан, поради одмазда истрела 22 гранати

Израелската армија ја гранатираше територијата на Либан како одмазда за истрелувањето на неколку ракети од нејзината територија кон Израел. Шест...

Македонија13 часа

Пендаровски и бугарскиот претседател заедно ќе заминат во Рим на чествувањето на Кирил и Методиј

Претседателот Стево Пендаровски и бугарскиот претседател Румен Радев заеднички ќе оддадат почит на делото на светите браќа Кирил и Методиј...

Свет13 часа

Денеска во Брисел вонреден состанок на ЕУ за конфликтот во Газа

Министрите за надворешни работи на земјите членки на ЕУ денеска во Брисел ќе одржат вонреден состанок на кој ќе биде...

Свет13 часа

Во налет на циклонот во Индија загинаа најмалку 21 човек, исчезнати се 96 луѓе

Најмалку 21 човек загинаа, а 96 се водат за исчезнати во голем удар на циклон во западна Индија, носејќи им...

Свет14 часа

Израел ја уништи единствената лабораторија за испитување коронавирус во Газа

Со денови се интензивираат судирите меѓу Израел и Палестина, а во еден од нападите на Појасот Газа израелските сили ја...

Свет14 часа

Испалени над 90 ракети од Појасот Газа кон Израел

Во текот на ноќта од Појасот Газа беа истрелани околу 90 ракети кон Израел, објави израелската армија. Се наведува дека...

Регион1 ден

Лидерите на Западен Балкан со заедничка декларација: Итен почеток на преговорите со Скопје и Тирана

Декларацијата усвоена од лидерите на Процесот „Брдо – Бриони“ на самитот укажува на важноста од брзото проширување на ЕУ за...

Македонија1 ден

Хрватскиот претседател: Членка на ЕУ навлегува во интимниот простор на Северна Македонија

Претседателот на Хрватска, Зоран Милановиќ, најави дека ќе се спротивстави на условите што ги поставува Бугарија за почеток на преговорите...

Македонија1 ден

Заев: Следните парламентарни избори ќе се одржат во 2024 година, нема да има предвремени

Премиерот и претседател на СДСМ, Зоран Заев, изјави дека предвремени парламентарни избори нема да има и дека следните ќе се...

Европа1 ден

ЕМА: Вакцината на „Фајзер“ може да се чува во обичен ладилник до еден месец

Европската агенција за лекови (ЕМА) препорача да се продолжи времето на чување на вакцините на „Фајзер/Бионтек“ на стандардни температури во...

Македонија1 ден

Денеска се регистрирани 27 нови случаи на Ковид-19, починати се 19 лица

Министерството за здравство информира дек во последните 24 часа се направени 1.314 тестирања, а регистрирани се 27 нови случаи на...

Досие